KNU တပ်မဟာ ၃ နယ်မြေအတွင်းက အကြမ်းဖက်စစ်ကောင်စီရဲ့ စခန်းငယ် ၅ ခုကို တိုက်ခိုက်သိမ်းပိုက်
◾️စခန်းငယ်အချို့မှာ အကြမ်းဖက်စစ်တပ်က လက်နက်ချ အညံခံ
ဇူလိုင် ၂ ၊ ၂၀၂၂
ကရင်အမျိုးသားအစည်းအရုံး (KNU) ရဲ့ တပ်မဟာ ၃ နယ်မြေအတွင်းမှာ အကြမ်းဖက်စစ်ကောင်စီရဲ့ တပ်စခန်းငယ် ၅ ကို KNLA နဲ့ ပူးပေါင်းတပ်ဖွဲ့တွေက ဒီနေ့မနက်မှာ ဝင်ရောက်တိုက်ခိုက်သိမ်းပိုက်မှုတွေပြုလုပ်ခဲ့တယ်လို့ သတင်းရင်းမြစ် က PVTV ကိုပြောပါတယ်။
‘ကြောင်ပြာနဲ့ကျွန်းပင်စိတ်ကိုဝင်သိမ်းတော့ကျန်တဲ့စခန်းတွေကဆုပ်ပြေးသွားတာ’ လို့ သတင်းရင်းမြစ်က ပြောပါတယ်။
တပ်မဟာ ၃ နယ်မြေထဲက ကျောက်ကြီးမြို့နယ်၊ မုန်းမြို့နယ်ခွဲရဲ့ အောင်းလောင်းစိန် စစ်ကောင်စီတပ်စခန်းငယ်ကို ဝင် ရောက်တိုက်ခိုက်ခဲ့တဲ့ဖြစ်စဉ်မှာ တပ်စခန်းထဲက ၇ ဦးက လက်နက်ချ အညံခံခဲ့တယ်လို့ ဆိုပါတယ်။
ဒါအပြင် လက်နက်ခဲယမ်းအချို့လည်း သိမ်းဆည်းရမိခဲ့တယ်လို့ သိရပါတယ်။
ကျောက်ကြီးမြို့နယ် ကျွန်းပင်ဆိပ်ရွာမှာလည်း အကြမ်းဖက်စစ်ကောင်စီတပ်တွေနဲ့ KNLA နဲ့ PDF ပူးပေါင်းတပ်တွေ အကြား တိုက်ပွဲဖြစ်ပွားနေပါတယ်။
ကရင်အမျိုးသားအစည်းအရုံးရဲ့ ညောင်လေးပင်ခရိုင် ကျောက်ကြီးနဲ့ မုန်းဒေသမှာ စစ်ကောင်စီတပ်တွေနဲ့ နယ်မြေခံ KNU တပ်ဖွဲ့ဝင်များအကြား တိုက်ပွဲများ ဖြစ်ပွားလျက်ရှိပြီး အကြမ်းဖက်စစ်ကောင်စီတပ်က လ က်နက်ကြီးတွေနဲ့ ရမ်း သန်းပစ်ခတ်လို့ ဒေသခံ ပြည်သူ သောင်းနဲ့ချီပြီးတော့ စစ်ဘေးရှောင်နေရပါတယ်။
#SpringRevolution
#PVTV
#PVTVNews
#PVTV Telegram Channel – https://t.me/pvtvmyanmar
#PVTV ၏ ရုပ်သံအစီအစဉ်များကို PVTV ၏ Youtube Channel ဖြစ်သော https://youtube.com/c/pvtvmyanmar တွင် ဝင်ရောက်ကြည့်ရှုပေးခြင်းအားဖြင့် တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
