၁၀ ဇွန် ၂၀၂၁ PVTV ၏ သတင်းကဏ္ဍ အပိုင်း(၂)
အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့က ကြေညာချက်အမှတ် (၁/၀၆/၂၀၂၁) ကိုထုတ်ပြန်ခဲ့ပြီး အဆိုပါ ကြေညာချက်တွင် ပြည်ထောင်စုရွေးကောက်ပွဲကော်မရှင်မှ တည်ဆဲဥပဒေပုဒ်မ ၁၀(ဆ)အရ လွှတ်တော်ကိုယ်စား လှယ်အဖြစ် အသိအမှတ်ပြုလွှာရရှိခဲ့ပြီးဖြစ်၍ ရွေးကောက်ခံလွှတ်တော်ကိုယ်စားလှယ်များ အနေဖြင့် တရားဝင်လွှတ်တော်ကိုယ်စားလှယ်အဖြစ် ရပ်တည်ပိုင်ခွင့်ရှိသူများဖြစ်ကြောင်း၊ ၂၀၀၈ ခုနှစ် ဖွဲ့စည်းပုံအခြေခံဥပဒေကို ကိုယ်တိုင်ချိုးဖောက်ပြီး နိုင်ငံတော်ကိုသစ္စာဖောက်ဖျက် ပုန်ကန်မှုကျူးလွန်ကာ ပြည်သူလူထုဆန္ဒကို အလေးမထားဘဲ ဖမ်းဆီးနှိပ်စက်သတ်ဖြတ်နေသော စစ် ကောင်စီကသာလျှင် တရားမဝင်သော အကြမ်းဖက်အဖွဲ့အစည်းဖြစ်ကြောင်း၊ သို့ဖြစ်ပါ၍ စစ်ကောင်စီမှ ကိုယ်စားလှယ်များအပေါ် လွှတ်တော်ကိုယ်စားလှယ်အဖြစ် တရားဝင် ရပ်တည်ပိုင်ခွင့်မရှိသေးသည့်ပုဂ္ဂိုလ် ဟုသတ်မှတ်ပြီး CRPH ၊ NUG ၊ PDF တို့တွင် ပါဝင် ပတ်သက်ခြင်းမရှိကြောင်း ဖိအားပေးခြိမ်းခြောက် အတင်းအဓမ္မ ခံဝန်ကတိလက်မှတ်ရေးထိုး ခိုင်းခြင်းများသည် လုံးဝတရားမဝင်ပါကြောင်း နှင့် လိုက်နာဆောင်ရွက်ရန်လုံးဝမလိုအပ်ကြောင်းနှင့် ပြည်သူလူထုမှ ရွေးကောက်တင်မြှောက်ကာ ပေးအပ်ထားသည့် တာဝန်များကို လွှတ်တော်ကိုယ် စားလှယ်များမှ မဖောက်မပြန် ဂုဏ်သိက္ခာနှင့်အညီ ရပ်တည်ကြိုးပမ်းအားထုတ်ကြရမည်ဖြစ်ပါကြောင်း စသည့်အချက်များပါဝင်ပါသည်။
#SpringRevolution
#PVTV
Like – 7.4K Share – 578
