အမိတလို့ ရေးတဲ့စာ…


အမိတလို့ ရေးတဲ့စာ
============

မောင်းပြန်တွေကြားထဲ
ဒေါင်းအသံသဲ့သဲ့ကြားရတယ်
အမေ ကျန်းမာရေးကောင်းပါတယ်တဲ့…
.
မတွေ့ရတဲ့ရက်တွေအတွင်း
အမေအိမ်ပြောင်းခံရသလို
ကျွန်တော်တို့လည်း နိုင်ငံပြောင်းခံလိုက်ရတယ်အမေ
တရားခံက တရားလိုပြန်လုပ်နေတဲ့
“နိုင်ငံတော်”အသစ်ကြီးမှာ
ကျွန်တော်တို့အားကိုးရာက သစ္စာပါပဲ
.
ကြေးမုံဖတ်ရင် ကျွန်တော်တို့လူဆိုး
ဂျာနယ်မှာတော့ အမေ့သားတွေက လူ့တန်ဖိုးပါ
အိန္ဒိယက အသက်ရှည်ဆေးမမှာဘဲ
အရှက်တွေ ရွေးဝယ်ပေးခဲ့ရမှာ အမေရယ်
သူတို့က မရှက်တတ်ဘူးလေ
.
“ကျွန်မတို့ပြည်သူတွေ အားတင်းထားကြပါ” တဲ့
တင်းတာပေါ့ အမေရယ်
သူတို့ပြောတဲ့ “ခဏ” ဆိုတာကိုသိတော့
အသက်ဘေးတွေး ပြေးရင်ပြေးရပါစေ
သွေးအေးခဲ့ရင် ခွင့်မလွှတ်ကြေးလေ
.
ဝင်းမော်ဦးလေးရဲ့ နောက်ဆုံးသာဓုမှ မဆုံးသေးဘူး
မြသွဲ့သွဲ့ခိုင် ဦးနှောက် ကျည်ဖောက်ခဲ့ပြန်ပေါ့
သိပါတယ် – လက်ဖြောင့်သူကြီးတွေရဲ့
ခင်ဗျားတို့မျက်လုံးထဲတော့
သပြေကုန်းဟာ ရန်သူ့တောင်ကုန်း
လမ်းဘေးခဲလုံးဟာ လက်ပစ်ဗုန်း
၁၉ နှစ်သမီးဟာ စစ်သူကြီးပေါ့
အဲဒီနေ့ကတည်းက ကျွန်တော်တို့အားလုံး
မြသွဲ့သွဲ့ခိုင်ဖြစ်သွားတယ်အမေ
.
အမေ… ကျွန်တော်တို့ ပြန်ဆုံကြတဲ့အခါ
ရုံးမတက်ဘဲ ရုန်းထွက်ကြသူတွေအကြောင်း
Gen-Z တွေရဲ့ အကြံအစည်တွေအကြောင်း
ကလေးအရေးအသားနဲ့ psy-war တွေအကြောင်း
ရယ်ကာမောကာ ပြန်ပြောကြတာပေါ့
အမေကျန်းမာအောင်နေပါ
.
လောလောဆယ်တော့ …
အမေပေးခဲ့တဲ့ မကြောက်တရားနဲ့
အတ္တသမားတွေကို ရင်ဆိုင်တဲ့ပွဲ
ကျွန်တော်တို့နွှဲဦးမယ် အမေ
အမေ့ မေတ္တာ ကျွန်တော်တို့ရပါစေ
ကျွန်တော်တို့ မေတ္တာ အမေရပါစေ
အမှန်တရားကသာ အောင်ပါစေ…
.
အေးချမ်း (သံလွင်)
#SpringRevolution
#PVTV

Like – 11K Share – 1630

Public Voice Television Facebook

Add your reaction

  1. မှန်လိုက်တာဗျာ တရားခံ က တရားလို ပြန်လုပ်နေကျတာ ။

  2. ပထမ ၁၀စက္ကန့်ကို နောက် video တွေမှာ ဖြုတ်ပေးရင်ကောင်းမယ်

  3. အမေကျန်းမာပါစေ🙏
    အမေ့မေတ္တာ ကျနော်တို့ရပါစေ🙏
    ကျနော်တို့မေတ္တာ အမေရပါစေ 🙏

  4. အမေ လည်း ကျနိးမာပါစေ။ အရေးတော်ပုံ အောင်တော့မည်။

  5. English လိုပါ စာတန်းထိုးရင် ပိုကောင်းမယ် ထင်ပါတယ်။ အကြံ ပြုတာပါ

  6. အသံနေအသံထားကြောင့် စကားလုံးတွေ ကြားရသူတိုင်း ပိုပြီးထိရှစေတယ်

  7. လောလောဆယ်တော့…
    အမေပေးခဲ့တဲ့ မကြောက်တရားနဲ့
    အတ္တသမားတွေကို ရင်ဆိုင်တဲ့ပွဲ
    ကျွန်တော်တို့နွှဲဦးမယ် အမေ
    အမေ့ မေတ္တာ ကျွန်တော်တို့ရပါစေ
    ကျွန်တော်တို့ မေတ္တာ အမေရပါစေ
    အမှန်တရားကသာ အောင်ပါစေ…

  8. သက္ကမိုးညို ဝင်ရေးနေသလိုပဲ။ကဗျာလိုလို စာဟန်လိုလို လွမ်းစာရေးတဲ့ စာအရတော့ သက္ကမိုးညို အတိုင်းပဲ၊ ဘေးကင်းရန်ဝေးပါစေ လေ 🙏

  9. လွမ်းရပါတယ် အမေရယ်
    သတိတရရှိရပါတယ် သူရဲကောင်းမျိုးဆက်အပေါင်းရယ်
    အောင့်မေ့တသရှိရပါတယ် အာဇာနည်အပေါင်းတို့ရယ်..
    အမှန်တရားကသာ အောင်ပါစေကွယ် 🙏🏻🙏🏻🙏🏻

  10. အမေ ကျနိးမာအောငိနေပါ၊ဆုတောင်းပေးနေပါတယ်၊‌ေဘးရန်ကင်းပါ‌ေစ၊အသက်ရာကျော်ရှည်ပါစေ။

  11. တရားမုခ် ႏိူင္ရမည္
    အေမပန္ဖို႔အတြက္ အလွဆုံးပန္းတစ္ခင္း သားတို႔ေတြ အေမ့ေျမး Gz ေလးေတြနဲ႔ အတူပ်ိဳးေနပါၿပိး အေမ
    အေမက်န္းမာပါေစ

  12. ဒါ ppl voice မှ မဟုတ်တာ စောက်အောက်တန်းစား မှိုင်းကြီး မင်းတို့ဟာက သရုပ်ပျက်လွန်းတယ်ကွာ

  13. အေမစုက်န္းမာေရးဂ႐ုစိုက္ပါ
    ျပည္သူမ်ားအေမစု အိမ္အျပန္
    လမ္းမွာ ေန႔စဥ္ေစာင့္ေမွ်ာ္လွ်က္ပါ

  14. လောလောဆယ်တော့…
    အမေပေးခဲ့တဲ့ မကြောက်တရားနဲ့
    အတ္တသမားတွေကို ရင်ဆိုင်တဲ့ပွဲ
    ကျွန်တော်တို့နွှဲဦးမယ် အမေ
    အမေ့ မေတ္တာ ကျွန်တော်တို့ရပါစေ
    ကျွန်တော်တို့ မေတ္တာ အမေရပါစေ
    အမှန်တရားကသာ အောင်ပါစေ…
    🙏🙏🙏

  15. ကျမတို့ပြည်သူတွေအားတင်းထားကြပါ……အားတော့တင်းပါတယ်အမေ..မသမာသူတွေရဲ့အတ္တအစိုင်အခဲကြီးမားလွန်းတော့အနာဂါတ်ကြယ်ပွင့်လေးတွေ.တိုင်းပြည်အရေးသွေးအေးမနေတဲ့အမေ့မျိုးဆက်သစ်ကလေးတွေ..အာဏာရှင်တွေရဲ့သေနတ်ပြောင်းဝမှာကြွေလွင့်ရတာတွေ့တိုင်းရင်ထဲနာလွန်းရပါတယ်..

  16. ဒို့အရေး ဒို့အရေး
    ဒို့အရေး ဒို့အရေး
    ဒို့အရေး ဒို့အရေး

  17. ေတာ္လိုက္တာဗ်ာ
    တန္ဘိုး႐ွိတ့ဲ ပို႔စ္
    ေကာင္းလိုက္တ့ဲ စာေရးဆရာ
    ဖတ္ရင္းန႔ဲ မ်က္ရည္ဝဲတယ္ဗ်ာ😢

    လြမ္းလွပီ အေမ😢😢😢

    ဘယာေဝးကြာ ကိုယ္က်မၼာ၍
    အသက္ရာေက်ာ္ ႐ွည္ပါေစ အေမ🙏🙏🙏

Public Voice is Public Power.

PVTV will broadcast the activities of Committee Representing Pyidaungsu Hluttaw, National Unity Consultative Council and National Unity Government and other artworks which reflect the spirit of Spring Revolution.