အကြမ်းဖက်စစ်တပ်က လက်နက်ကြီးတွေနဲ့ ရမ်းသမ်းပစ်ခတ်မှုကြောင့် ဒေသခံ ပြည်သူတွေ ထွက်ပြေးတိမ်းနေရ
ဇူလိုင် ၁၂ ၊ ၂၀၂၂
KNU-ကျိုက်ထိုမြို့နယ် အုပ်ချုပ်မှုနယ်မြေအတွင်းမှာ အကြမ်းဖက်စစ်ကောင်စီဘက်က ၁၂၀ မမ လက်နက်ကြီးတွေနဲ့ ရမ်းသမ်းပစ်ခတ်နေမှုကြောင့် ဒေသခံပြည်သူတွေ ထွက်ပြေးတိမ်းရှောင်နေရတယ်လို့ KNU ဗဟိုက ထုတ်ပြန်ထားပါ တယ်။
ထွက်ပြေးတိမ်းရှောင်နေရတဲ့ စစ်ဘေးရှောင် ပြည်သူတွေက ဇီးပြောင်းကျေးနယ်အုပ်စုနဲ့ ပျဉ်းကတိုးကုန်းကျေး နယ်အုပ် စုတွေက ပြည်သူတွေဖြစ်တယ်လို့ KNU ဗဟိုက ပြောထားပါတယ်။
အကြမ်းဖက်စစ်တပ်ရဲ့ သိမ်ဇရပ် အမြှောက်တပ်က ဇူလိုင် ၉ ရက် ည ၁၀ နာရီဝန်းကျင်အချိန်မှာ ၁၂၀ မမ လက်နက် ကြီးတွေနဲ့ ရမ်းသမ်းပစ်ခတ်မှုတွေ လုပ်နေတာကြောင့် ဇီးပြောင်းကျေးနယ်အုပ်စုရဲ့ ကညင်အိုင်၊ ကျောက်ရေတွင်း၊ ဇီး ပြောင်းကျေးရွာတွေက ဒေသခံအချို့ ထွက်ပြေးတိမ်းရှောင်နေရတာပါ။
အဲဒီလိုပဲ ဇူလိုင် ၁၀ ရက် ညနေ ၄ နာရီကျော်မှာ ပျဉ်းကတိုးကုန်းကျေးနယ် ရွှေဖြူအနီးမှာ အကြမ်းဖက်စစ်တပ်က ၈၁ မမ လက်နက်ကြီးနဲ့ ၃ ချက် ရမ်းသမ်းပစ်ခတ်ခဲ့ပါတယ်။ ပစ်ခတ်မှုကြောင့် ဒေသခံပြည်သူတွေ ထိခိုက်မှု မရှိခဲ့ပေမယ့်လည်း ရမ်းသမ်းပစ်ခတ်နေမှုကို စိုးရိမ်ထိတ်လန့်လို့ ဒေသခံတချို့ ထွက်ပြေးတိမ်းရှောင်နေရတယ်လို့ KNU ဗဟိုရဲ့ သတင်းထုတ် ပြန်ချက်မှာ ဖော်ပြထားတာ တွေ့ရပါတယ်။
#SpringRevolution
#PVTV
#PVTVNews
#PVTV Telegram Channel – https://t.me/pvtvmyanmar
#PVTV ၏ ရုပ်သံအစီအစဉ်များကို PVTV ၏ Youtube Channel ဖြစ်သော https://youtube.com/c/pvtvmyanmar တွင် ဝင်ရောက်ကြည့်ရှုပေးခြင်းအားဖြင့် တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
