လေးကေ့ကော်တိုက်ပွဲမှာ ခံစစ်ရှင်လှုပ်ရှားမှုနဲ့ စိတ်ဓာတ်အသာစီးယူထားနိုင်တယ်လို့ ကာကွယ်ရေးဝန်ကြီး ဦးရည်မွန်ပြော‌ကြား

လေးကေ့ကော်တိုက်ပွဲမှာ ခံစစ်ရှင်လှုပ်ရှားမှုနဲ့ စိတ်ဓာတ်အသာစီးယူထားနိုင်တယ်လို့ ကာကွယ်ရေးဝန်ကြီး ဦးရည်မွန်ပြော‌ကြား
ဒီဇင်ဘာ ၂၉၊ ၂၀၂၁

အကြမ်းဖက်စစ်တပ်က လက်နက်ကြီးတွေအပါအဝင် လေယာဉ်တွေပါအသုံးပြုပြီး တိုက်ခိုက်နေတဲ့ လေးကေ့ကော်တိုက်ပွဲ မှာ တော်လှန်ရေးရဲဘော်တွေက ခံစစ်အရှင်လှုပ်ရှားမှုနဲ့ စိတ်ဓာတ်အသာစီးယူထားနိုင်တယ်လို့ အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန ပြည်ထောင်စုဝန်ကြီး ဦးရည်မွန်ကပြောကြးလိုက်ပါတယ်။

“ဒီတိုက်ပွဲမှာ ကျနော်တို့ သိလိုက်ရတာ တခုရှိပါတယ်။ အဲဒါကတော့ စစ်ကောင်စီရဲ့ စစ်အင်အားနဲ့ပတ်သက်လို့ သူ့ရဲ့ကြည်း တပ်ဟာ တော်တော်ချည့်န့နေပြီဆိုတာကို တွေ့ရပါတယ်။ လေကြောင်းတိုက်ခိုက်မှုမပါရင် စစ်မတိုက်ရဲတော့ဘူးဆိုတဲ့ အနေ အထားပေါ့။ ကျနော်တို့ တော်လှန်ရေး ရဲဘော်အားလုံးကတော့ ခံစစ်ရှင်လှုပ်ရှားမှုနဲ့ စိတ်ဓာတ်အသာစီးယူပြီးတော့ စနစ်တကျ ခုခံတော်လှန်နေတာလို့ ပြောလို့ပါတယ်” လို့ ပြည်ထောင်စုဝန်ကြီး ဦးရည်မွန်က RFA သတင်းဌာနနဲ့ မေးမြန်းခန်း မှာ ပြောကြားလိုက်တာပါ။

ကရင်ပြည်နယ်၊ ဒူးပလာယာခရိုင်အတွင်းမှာရှိတဲ့ ငြိမ်းချမ်းရေးမြို့တော် လေးကေ့ကော်ကို အကြမ်းဖက်စစ်တပ်က စတင် တိုက်ခိုက်ခဲ့တာဟာ NCA လက်မှတ်ရေးထိုးထားတဲ့ တိုင်းရင်းသားတော်လှန်ရေးအဖွဲ့အစည်းတခုအပေါ် သဘောတူညီချက် ဖောက်ဖျက်ကျူးလွန်မှုတစ်ခုလည်းဖြစ်ပါတယ်။

“NCA လက်မှတ်ရေးထိုးထားတဲ့ တိုင်းရင်းသားတော်လှန်ရေးအဖွဲ့အစည်းတခုအပေါ်မှာ သဘောတူညီချက် ဖောက်ဖျက်ကျူး လွန်မှုပဲပေါ့။ KNU/KNLA အနေနဲ့ ကျနော်တို့မြင်သလောက် စစ်ကောင်စီရဲ့ ကျူးကျော်မှုကို သူတို့အနေနဲ့လည်း ခုခံတွန်းလှန် ဖို့အတွက်နည်းကလွဲလို့ တခြားမရှိဘူးပေါ့။ အဲတော့ PDF တွေအနေနဲ့ မူလက ဒီဧရိယာမှာ စစ်တိုက်ဖို့ ရည်ရွယ်ချက်မရှိပါ ဘူး။ ဒါကြောင့်လည်း သူတို့ကို သေသေချာချာ လက်နက်တပ်ဆင်ပေးထားတာမရှိခဲ့ဘူးပေါ့။ အခုတော့ အခြေအနေက တောင်းဆိုလာလို့ PDF တွေလည်း မဟာမိတ်နဲ့ လက်တွဲပြီးတော့ ဒီဧရိယာမှာ တိုက်ပွဲဝင်နေကြပါပြီ။ လိုအပ်တဲ့ လက်နက်ခဲ ယမ်းဖြည့်တင်းမှုကိုလည်း မဟာမိတ်များနဲ့ပူးပေါင်းပြီးတော့မှ တောက်လျှောက်ဆောင်ရွက်နေတယ်ဆိုတာကိုလည်း အသိ ပေးလိုပါတယ်” လို့ ဦးရည်မွန်က ပြောထားပါတယ်။

ငြိမ်းချမ်းရေးမြို့တော် လေးကေ့ကော်ဖြစ်စဉ်က စစ်ကောင်စီရဲ့ အင်အားသုံးအကြမ်းဖက်မှုကို ထင်ဟပ်စေတဲ့ ပြယုဒ်တခု လို့လည်း မှတ်ချက်ပေးထားပါတယ်။

အကြမ်းဖက်စစ်တပ်က လေးကေ့ကော်မြို့အပါအဝင်၊ ထီးမယ်ဝါးခီး၊ မယ်ထော်သလေး၊ အင်ကြင်းမြိုင်၊ မင်းလက်ပံ၊ ဖလူး၊ ရသေ့ဂူနဲ့ ပဟိကလော် ရွာတွေကို လက်နက်ကြီးတွေနဲ့ပစ်တဲ့အပြင် လေယာဉ်တွေနဲ့ပါ တိုက်ခိုက်ခဲ့တာကြောင့် ဒေသခံရွာ သားတွေ သေဆုံးမှုတွေ ထိခိုက်ဒဏ်ရာရတာတွေဖြစ်ခဲ့တဲ့အပြင် လူဦးရေ တစ်သောင်းကျော်လောက်လဲ စစ်ဘေးရှောင်နေရ တယ်လို့ သိရပါတယ်။
#SpringRevolution
#PVTV
#PVTVNews

Public Voice is Public Power.

PVTV will broadcast the activities of Committee Representing Pyidaungsu Hluttaw, National Unity Consultative Council and National Unity Government and other artworks which reflect the spirit of Spring Revolution.