ရှမ်းပြည်နဲ့ ကယားပြည်နယ်စပ်က တိုက်ပွဲပိုမိုပြင်းထန်လာပြီး အကြမ်းဖက်စစ်တပ်ဘက်က အရာရှိအပါအဝင် ၂၅ ဦးထက်မနည်းသေ

ရှမ်းပြည်နဲ့ ကယားပြည်နယ်စပ်က တိုက်ပွဲပိုမိုပြင်းထန်လာပြီး အကြမ်းဖက်စစ်တပ်ဘက်က အရာရှိအပါအဝင် ၂၅ ဦးထက်မနည်းသေ
ဖေဖော်ဝါရီ ၁၈ ၊ ၂၀၂၂

ရှမ်း-ကယားနယ်စပ်မှာ ဒီကနေ့ တိုက်ပွဲဆက်လက်ပြင်းထန်ခဲ့ပြီး အကြမ်းဖက်စစ်ကောင်စီတပ်က အရာရှိအပါအဝင် ၂၅ဦးထက်မနည်းသေဆုံးခဲ့ပြီး အများအပြား ဒဏ်ရာရခဲ့တယ်လို့ ဒီးမော့ဆိုပြည်သူ့ကာကွယ်ရေးတပ်(PDF)က ထုတ်ပြန်လိုက်ပါတယ်။

ယနေ့ဖေဖော်ဝါရီ ၁၈ ရက်က ဖြစ်ခဲ့တဲ့ ရှမ်း-ကယားနယ်စပ် ဝီသဲကူး(မြောက်ရွာ) တိုက်ပွဲ မှာ ဒီးမော့ဆို PDF ရဲဘော် ၃ဦးထိခိုက်ဒဏ်ရာရရှိခဲ့သလို မဟာမိတ် ပူးပေါင်းတပ်ဖွဲ့မှလည်း ထိခိုက်မှု ရှိတယ်လို့ ဖော်ပြထားပါတယ်။

အကြမ်းဖက် စစ်ကောင်စီတပ်ကို ဒီးမော့ဆို PDF ၊ မိုးဗြဲ PDF၊ လွိုင်ကော် PDF၊ ဖယ်ခုံ PDF၊ KA ၊ KNDF၊ KGZ ၊JPDF ၊GZ-21 နှင့် အခြား မဟာမိတ်တပ်ပေါင်းစုများ ပူးပေါင်းပြီး ခုခံတိုက်ခိုက်ခဲ့ တာမှာ အထိနာ တဲ့ အကြမ်းဖက် စစ်ကောင်စီတပ်ဟာ အင်အားအလုံးအရင်း ထပ်မံဖြည့်တင်းခဲ့သလို သံချပ်ကာ အမြှောက်ကား ၂ စီးနဲ့ ပစ်ကူတာ၊ ညနေပိုင်းမှာ လေယာဉ် ၂စီးနဲ့ လာရောက် ဗုံးကြဲ တိုက်ခိုက်တာတွေ ပြုလုပ်ခဲ့တယ်လို့ ဖော်ပြထားပါတယ်။

အကြမ်းဖက်စစစ်ကောင်စီတပ်ဟာ ဒီမနက်ပိုင်းကလည်း ဝှါရီဆူးပလိုင်ကျေးရွာရှိ ပြည်သူလူထုတွေရဲ့ နေအိမ် အမြောက်အများကိုမီးရှို့ဖျက်ဆီးခဲ့တယ်လို့ ဒီးမော့ဆို PDFက ထုတ်ပြန်ပါတယ်။
#SpringReovlution
#PVTV
#PVTVNews
#PVTV ရဲ့ သတင်းများကို Telegram Channel – https://t.me/pvtvmyanmar ကို subscribe လုပ်ထားခြင်းအားဖြင့် ဖတ်ရှုနိုင်ပြီဖြစ်ပါတယ်



Public Voice is Public Power.

PVTV will broadcast the activities of Committee Representing Pyidaungsu Hluttaw, National Unity Consultative Council and National Unity Government and other artworks which reflect the spirit of Spring Revolution.