မသေဆုံးသောဝိဉာဉ်
===========
🔺ကျွန်မ လဲကျသွားတဲ့ နေရာလေးနားမှာ
အခု ဆို လက်ဖက်ရည်ဆိုင်လေးလဲ ပြန်ဖွင့်ပြီ
🔺လွန်ခဲ့ တဲ့ တစ်လလောက်က
ကျွန်မတို့ လူငယ်တွေကို
ရေ နဲ့ စားစရာတွေ လာလှု နေကျ
အန်တီကြီးလဲ
အခုဆို ကျွေးစရာ လူငယ်တွေ မရှိတော့
ခိုလေးတွေ အစာကျွေးနေလေရဲ့ ….
🔺ပြီးခဲ့ တဲ့ ၁၀ ရက်လောက်ထဲက
မြို့ထဲလမ်းတွေအပြီးရှင်းကြတော့
အခုဆို ကျွန်မ လဲကျခဲ့တဲ့
နေရာလေးမှာ ဘယ်သူမှ အမှတ်တရ
ပန်းလေးတွေ လာမချကြတော့ဘူးလေ
နေပါစေ ရပါတယ် ပန်းတွေက အရေးမှမကြီးတာ
🔺နေ့နေ့ ညည ဆိုင်းဘုတ်အဝါလေး
ကျစ်ကျစ်ပါအောင် ဆုပ်ကိုင်ပြီးထိုင်နေတဲ့
ကျွန်မ အပေါ် အရှိန်နဲ့ဖြတ်မောင်းသွားတဲ့
ကားတွေသာ ရှောင်ရခက်လို့ ငိုချင်နေတာ ….
🔺လွန်ခဲ့တဲ့ သုံးရက်လောက်က
ညကြီး မိုးတွေအရမ်းရွာလျှပ်စီးတွေ လက်တော့
ကျွန်မလဲကျ သွားတဲ့နေရာလေးမှာ
တစ်ယောက်ထဲ ကြောက်နေရင်းနဲ့
မိုးရေတွေ ကျွန်မ ကို ဘာလို့မစိုသလဲ ဆို
အံ့သြရသေး
🔺အိပ် ငိုက် နေရာက နိုးလာတော့
နံနက်ခင်း လေပြေ ထဲ ပိတောက် ရနံ့တွေ
သင်းလို့
ပိတောက်ပွင့် ကြွေလေးတွေလဲ
ကျွန်မဘေးနားမှာ အများကြီးပဲ
အို ပျော်လိုက်ရတာ ….
🔺ဒီနေ့ မနက် စည်ပင်က အဒေါ်ကြီးနှစ်ယောက်
ကျွန်မထိုင်နေတဲ့
နေရာလေးပေါ် တံမျက်စည်းလှဲရင်း
◾◾” ဒီနေရာ ကောင်မလေးတစ်ယောက်
သေထားတယ် ” တဲ့◾◾
🔺No .. no ကျွန်မ အခုမှ ၁၉ နှစ် နော်
မသေသေးဘူး
ကျွန်မမှာ အရမ်းချစ်ရတဲ့ အဖေ နဲ့
အရမ်းနားလည်ပေးနိုင်တဲ့ ချစ်သူ
ချစ်ရတဲ့အပေါင်းသင်းတွေ
ပျော်ရွှင်ရင်ခုန်စရာ အနာဂါတ်တွေ
ကျွန်မ အများကြီး ဆက်သွားရမှာ သိလား …
🔺သြော် … အခု ဒီနေရာလေးမှာ
နေ့နေ့ ညည မထတမ်း ဆိုင်းဘုတ်လေးကိုင်
ထိုင်နေတာက ကျွန်မ ယုံကြည်ရာ ကို
မနိုင်မခြင်း
🔺ဘယ်သူပါပါ မပါပါ အဆုံးထိ တိုက်မယ်
သန္နိဌာန် ချထားလို့ပါ
ကျွန်မ မသေ သေးဘူးနော်
ကျွန်မ ကို သေတယ်လို့ မပြောကြပါနဲ့
ဝမ်း နည်း အား ငယ် လွယ် လို့ ပါ ရှင်
♦️အသက်ပေးလိုက်ရသော သူများကို သတိရပါ ♦️
❣️နွေဦးတော်လှန်ရေးတွင် ကျဆုံးသွားကြလေပြီးသော အာဇာနည်အပေါင်းအား ဦးညွတ်ဂါရဝပြုအပ်ပါသည်❣️
#SpringRevolution
#PVTV
Like – 6K Share – 453
