မတ် ၁၅ ရက်တိုက်ပွဲသတင်းများ စုစည်းဖော်ပြမှု

မတ် ၁၅ ရက်တိုက်ပွဲသတင်းများ စုစည်းဖော်ပြမှု
==========================

⚠️ စစ်ကိုင်းတိုင်း၊ မော်လိုက်မြို့နယ်တွင် ပျူစောထီး စစ်သင်တန်းစခန်းကို PDF ဝင်တိုက်မှု စစ်ဗိုလ်တစ်ဦးနှင့် ပျူစောထီး ၃ ဦး သေဆုံးပြီး လက်နက် ၅ လက်နှင့်ကျည်များ သိမ်းဆည်းရမိကြောင်း မော်လိုက်ပြည်သူ့ကာကွယ်ရေးတပ်ဖွဲ့၏ ထုတ်ပြန်ချက်အရ သိရှိရပါတယ်။ People’s Defence Force – Kalewa ၊Mawlaik People’s Defence Force နှင့် မော်လိုက်မြို့နယ် ပြည်သူ့ကာကွယ်ရေးအဖွဲ့တို့ ပူးပေါင်း၍ မတ်လ ၁၄ ရက်နေ့ ၊ နံနက် ၄ နာရီခွဲအချိန် မော်လိုက်မြို့နယ် ထော်သာကျေးရွာတွင် စစ်တပ်က ပျူစောထီးသင်တန်းပေးပြီး လူစုနေသည့် နေရာများကို အလစ်အငိုက် ဝင်ရောက်စီးနင်း တိုက်ခိုက်ခဲ့ကြောင်း သိရှိရပါတယ်။ PDF ပူးပေါင်းတပ်ဖွဲ့များက လက်နက်ကြီး လက်နက်ငယ်များဖြင့် တရစပ်ပစ်ခတ်တိုက်ခတ်ခဲ့ရာ ပျူစောထီး စစ်စခန်းကို ဝင်ရောက်သိမ်းပိုက်နိုင်ခဲ့ပြီး စစ်တပ်မှ ဗိုလ်တစ်ဦးနှင့် ပျူစောထီး ၃ ဦးတို့ကို အသေပစ်ခတ်နိုင်ခဲ့ကြောင်း သိရှိရပါတယ်။
ထို့ပြင် ကာဘိုင်သေနတ် ၅ လက်၊ကာဘိုင်ကျည် ၈၅၀ တောင့် နှင့် ၅.၅၆ ကျည် ၃၉၀ တောင့် ၊A3 ဗုံးသီး ၂ လုံး ၊ဖုန်း ၆ လုံးတို့ကို သိမ်းဆည်းရမိခဲ့ပြီး ပျူစောထီးခေါင်းဆောင်အိမ်ကိုလည်း မီးရှို့ဖျက်ဆီးခဲ့ကာ တိုက်ပွဲအတွင်း PDF ဘက်မှ အထိအခိုက် ဒဏ်ရာ အကျအဆုံး လုံးဝမရှိခဲ့ကြောင်း သတင်းထုတ်ပြန်ချက်အရ သိရှိရပါတယ်။
⚠️ စစ်ကိုင်းတိုင်း ကသာမြို့နယ်တွင် ဧရာဝတီမြစ်ကြောင်းအတိုင်း ဆန်တက်လာသည့် စစ်တပ်သင်္ဘော ၂ စီးကို ရှော့တိုက်ဒုန်း နှစ်လုံးဖြင့် ပစ်ခတ်တိုက်ခိုက်ခဲ့ရာ ချက်ကောင်းထိပြီး သင်္ဘောအတွင်းပိုင်းထဲ ကျရောက်ပေါက်ကွဲခဲ့သဖြင့် စစ် သား ၃၀ ဦးထက်မနည်းသေဆုံးကြောင်း ကသာ PDF က သတင်းထုတ် ပြန်ထားပါတယ်။
⚠️ မတ်လ ၁၄ ရက်နေ့ နံနက်ပိုင်း မန္တလေးမြို့ ၆၂ လမ်းနှင့် သိပ္ပံလမ်းထောင့် မီးပွိုင့်၌ လမ်းသွားလမ်းလာများကို ဖမ်းဆီးငွေညှစ်နေသည့် စစ်ကောင်စီလှည့်ကင်းတပ် ဗုံးဖြင့် တိုက်ခိုက်ခံရပြီး စစ်ကောင်စီတပ်ဖွဲ့ဝင် ၄ ဦး ဒဏ်ရာရရှိသွားကြောင်း၊ Mandalay Black King Scorpion၊ Guerilla Force of Mandalay၊ Mandalay Ranger Force – PDF မဟာမိတ်ညီနောင်သုံးဖွဲ့ ပူးပေါင်း၍ တိုက်ခိုက်ခြင်းဖြစ်ကြောင်း သိရှိရပါတယ်။ ထို့ပြင် Mandalay Black King Scorpion နှင့် Guerilla Force of Mandalay မဟာမိတ်ညီနောင်နှစ်ဖွဲ့ က ၆၂ လမ်းပေါ်ရှိ သူနာပြုတက္ကသိုလ် ဂိတ်ပေါက် လုံခြုံရေးဂိတ်ကို ဗုံးဖြင့် ယနေ့တိုက်ခိုက်ရာ ဂိတ်ပေါက်စောင့် စစ်သားတစ်ဦး သေဆုံးခဲ့ကြောင်း သတင်းထုတ်ပြန်ချက်အရ သိရှိရပါတယ်။
⚠️အလားတူ မန္တလေးတိုင်း မြို့သာမြို့ ပေါ်ရှိ လျှပ်စစ်ရုံးကို ယနေ့ည ၇ နာရီခွဲအချိန် လက်ပစ်ဗုံးဖြင့် ပစ်ခတ်တိုက်ခိုက်ခဲ့ကြောင်း သိရှိရတာပါ။

⚠️ စစ်ကိုင်းတိုင်း၊ ဒီပဲယင်းမြို့နယ်၊ စိုင်ပြင်မြို့ရဲစခန်းကို မတ်လ ၁၂ ရက်နေ့ ည ၈ နာရီအချိန် ရှော့တိုက်ဒုံး ၆လုံးဖြင့် ကောင်းကင်၊ စွယ်တော်၊ ဗိုလ်ဇေယျနှင့်နင်ဂျာ(ဘတလင်)တို့က ပစ်ခတ်တိုက်ခိုက်ကြောင်း သိရှိရပါတယ်။

⚠️အမျိုးသားညီညွတ်ရေးအစိုးရ ပြည်ထဲရေးနဲ့ လူဝင်မှုကြီးကြပ်ရေး ဝန်ကြီးဌာနက မတ်လ ၁၅ရက်စွဲနဲ့ ထုတ်ပြန်တဲ့ ပြည်သူ့ခုခံတော်လှန်စစ် သတင်းအချက်အလက်များ⚠️
=====================================

အာဏာသိမ်းအကြမ်းဖက်စစ်အုပ်စု၏ ပြည်သူလူထုအပေါ် အကြမ်းဖက်ဖိနှိပ်ဖမ်းဆီးတိုက်ခိုက်သတ်ဖြတ်နေ မှုများကို ပြည်သူလူထုတစ်ရပ်လုံးက အသက်ရှင်သန်ရေးအတွက် မိမိကိုယ်ကိုယ်ကိုမိမိ ခုခံကာကွယ်ပိုင်ခွင့်အရ၊ ပြည်သူ့ခုခံစစ် (Peoples Defensive War) ကို ဆင်နွှဲလျက်ရှိပါတယ်။

သတင်းအချက်အလက်များအရ(၁၄.၃. ၂၀၂၂) ရက်နေ့တွင်
စစ်ကောင်စီတပ်ဖွဲ့ဝင် ၁၀၂ဦး သေဆုံးပြီး
ထိခိုက်ဒဏ်ရာရရှိသူ – ၃၈ဦး
အထိ ခုခံတိုက်ခိုက်နိုင်ခဲ့ပါတယ်။

စစ်အာဏာရှင်စနစ် မြန်မာ့မြေပေါ်မှ အပြီးတိုင်ချုပ်ငြိမ်းရေး နှင့် ဖက်ဒရယ်ဒီမိုကရေစီတည်ဆောက်ရေးအတွက် ငြိမ်းချမ်းစွာဆန္ဒပြသည့် လူထုသပိတ်တိုက်ပွဲများက ပြည်နယ်နဲ့ တိုင်းဒေသကြီးများမှာဖြစ်ပွါးပေါ်ပေါက် လျက်ရှိပါတယ်။

မြေပြင်မှာ ယခုတွေ့ရတဲ့သတင်းအချက်အလက်များထက် ပို၍ ဖြစ်ပွါးနိုင်ပါတယ်။

Public Voice is Public Power.

PVTV will broadcast the activities of Committee Representing Pyidaungsu Hluttaw, National Unity Consultative Council and National Unity Government and other artworks which reflect the spirit of Spring Revolution.