မတ်လ(၂)နေ့ကနေ (၄)ရက်နေ့ထိ ၃ ရက်တာ တိုက်ပွဲအတွင်း စစ်ကောင်စီဘက်က ၅ ယောက်ထက်မနည်းသေ

မတ်လ(၂)နေ့ကနေ (၄)ရက်နေ့ထိ ၃ ရက်တာ တိုက်ပွဲအတွင်း စစ်ကောင်စီဘက်က ၅ ယောက်ထက်မနည်းသေ

မတ် ၅ရက်၊ ၂၀၂၂

ကယားပြည်နယ်၊ ဒီးမော့ဆိုမြို့နယ် ၊ ဒေါကမီးကျေးရွာနဲ့ ပူဖါးကျေးရွာမှာ စစ်ကြောင်း(၃) ကြောင်းနဲ့ ထိုးစစ်ဆင်လာတဲ့ အကြမ်းဖက်စစ်ကောင်စီတပ်ဖွဲ့ကို ပြည်သူ့ကာကွယ်ရးတပ်-ဒီးမော့ဆို (DMO-Local PDF)၊ အလယ်ပိုင်းတိုင်း အထူးစစ်ဆင်ရေးတပ်ဖွဲ့၊ KNDFKA၊ လွိုင်ကော်(PDF)အပြင် အခြားတော်လှန်ရေးတပ် အင်အားစုတွေ ပူးပေါင်းပြီး (၃)ရက်အတွင်း ခုံခံတိုက်ပွဲဖြစ်ပွားခဲ့တယ်လို့ DMO-Local PDFက ထုတ်ပြန်ပါတယ်။

အဲ့ဒီ(၃)ရက် တိုက်ပွဲမှာ အကြမ်းဖက်စစ်ကောင်စီတပ်ဘက်က (၅) ယောက်ထက်မနည်းသေဆုံးခဲ့တယ်လို့ သိရပါတယ်။

တခြားတော်လှန်ရေးပူးပေါင်းတပ်ဘက်မှာလဲ ထိခိုက်ဒဏ်ရာအချို့ရှိခဲ့ပြီး ပြည်သူ့ကာကွယ်ရေး တပ်-ဒီးမော့ဆို(DMO-Local PDF)ဘက်က ရဲဘော်(၁)ယောက် ထိခိုက်ဒဏ်ရာ ရရှိခဲ့တယ်လို့ ဆိုပါတယ်။

ဒီတိုက်ပွဲမှာ အကြမ်းဖက်စစ်ကောင်စီတပ်ရဲ့ လက်ချက်ကြောင့် စစ်ဘေးရှောင်ပြည်သူနေအိမ် (၁၅)လုံး လက်နက်ကြီးထိမှန်ပြီး (၁၇)လုံးထက်မနည်းမီးလောင်ပျက်စီးခဲ့တယ်လ်ု့ ထုတ်ပြန်ချက်မှာ ဖော်ပြထားပါတယ်။

ဖေဖော်ဝါရီလ(၁၆)ရက်​နေ့က​နေ စတင်ဖြစ်ပွားခဲ့တဲ့တိုက်ပွဲမှာ မတ်လ(၄)ရက်နေ့ထိ (၁၇)ရက်တိုင်တိုင် တိုက်ပွဲဆက်လက်ပြင်း ထန်ခဲ့တာဖြစ်ပါတယ်။

အကြမ်းဖက်စစ်ကောင်စီ အင်အားအလုံးအရင်းနဲ့ဒီးမော့ဆိုမြို့ကိုဦးတည်ပြီး ဆက်လက်ထိုးစစ်ဆင်လာနေတာကြောင့် မိဘပြည်သူတွေက ဒီးမော့ဆိုမြို့နယ်တွင်ရှိတဲ့ တော်လှန်ရေးအင်အားစု​တွေကို ပိုမိုဝိုင်းဝန်း ကူညီပေးကြဖို့တိုက်တွန်းလိုတယ်လို့ဆိုပါတယ်။

ဒီမော့ဆိုမြို့ရှိ မိဘပြည်သူများ လုံခြုံရေးအတွက် သတိရှိရှိသွားလာကြပါဖို့ အသိပေးလိုတယ်လို့ DMO-Local PDF က ဖော်ပြထားပါတယ်။

#SpringReovlution
#PVTV
#PVTVNews
#PVTV ရဲ့ သတင်းများကို Telegram Channel – https://t.me/pvtvmyanmar ကို subscribe လုပ်ထားခြင်းအားဖြင့် ဖတ်ရှုနိုင်ပြီဖြစ်ပါတ