ဘဘ သို့တမ်းချင်း…….


ဘဘ သို့တမ်းချင်း….

ဘဘ​ရေ…

သမီးတို့ ဒီမိုက​ရေစီအသီးအပွင့်​လေး စားရဖို့…
အပင်​လေးကိုပျိုးရင်း ၅နှစ်တာ ရုန်းကန်ခဲ့ကြတယ်…
အကန့်အသတ်​တွေကြားထဲက​ပေါ့…

အကန့်အသတ်​တွေရှိ​ပေမယ့်…
ရုန်းကန်ရင်း ဒီမိုက​ရေစီအပင်​ပေါက်​လေးထွက်လာ​တော့
​​မျှော်လင့်ချက်​တွေနဲ့ ​ပျော်ခဲ့ကြတယ်…

​နောင် ၅ နှစ်အတွက်လည်း…
အလုပ်​တွေလုပ်ကြမယ်…
ဒီမိုက​ရေစီအပင်ကြီး ရှင်သန်ကြီးထွား​အောင်လုပ်မယ်…
တန်းတူညီမျှခွင့်​တွေ ပိုရအောင်လုပ်ကြမယ်…
ငြိမ်းချမ်း​ရေးအတွက် ​မျှော်လင့်ကြမယ်…
ပို​ကောင်းတဲ့ အရာရာအတွက် ​မျှော်လင့်ချက်​တွေနဲ့​ပေါ့…

ဘဘ​ရေ…
တိုင်းပြည်​​ကောင်းစားမှာကို​လေ…
မနာလိုမရှုစိမ့်တဲ့ မိုက်မဲလွန်းသူ လူတစ်စုရှိ​နေတယ်…

အခု​တော့သူတို့အတ္တနဲ့ တိုင်းပြည်ကိုလဲလိုက်ကြတာ ၇၉ ရက်​တောင်ရှိသွားပြီ​….
ပြည်သူ​တွေ ဘ၀ အ​မှောင်ကျခဲ့တာလည်း ၇၉ ရက်​..
​မျှော်လင့်ချက်ဆိုတာ​တွေ ​ပျောက်ဆုံးသွားတာလည်း ၇၉ ရက်​ပေါ့…

​ဒီ​တော်လှန်​ရေးကို​တော့
​နွေဦးကာလမှာ စခဲ့ရတာမို့..
နွေဦး​တော်လှန်​ရေး​လို့ အမည်​ပေးထားတယ်..

ရင်နာမယ်မှန်း သိ​ပေမယ့် ​ဘဘကိုပြောပြရအုံးမယ်..
ခုဆို လူငယ်အများစုအပါအ၀င် ကျဆုံးသွားတာ ၇၀၀ ​ကျော်တဲ့…
ဖမ်းဆီးခံရတာ ၃၀၀၀ ​ကျော်သွားပြီ…

​စစ်အာဏာရှင်လက်​အောက် ပြန်သွားရမှာ
​ကြောက်ရွံ့ကြလွန်းလို့…
ကြောက်​ခေတ်ကို ​မှောက်ပစ်မယ်လို့ ​
Gen Z ​တွေကကြွေးကြော်​နေကြပြီး
Gen XY ​တွေက ၀န်းရံလို့
သမီးတို့ တိုက်ပွဲ၀င်​နေကြတယ်…
ကျဆုံးသွားတဲ့ သူရဲ​ကောင်း​တွေကို မြင်​ယောင်ရင်း​ပေါ့

ဘဘ​​ရေ…
ကတိပြုပါတယ်…
၂၀၂၁ မှာ အာဏာရှင်​တွေ အမြစ်ပြတ်သွားရ​စေမယ်လို့.
သမီးတို့ အဆုံးထိတိုက်ပွဲ၀င်သွားပါ့မယ်..
အ​ရေး​တော်ပုံ ​အောင်ရပါ​စေမယ် ဘဘ…

(၇ နှစ်ပြည့် ဘဘ အလွမ်း​ပြေ)
နွေဦးခင်
21.4.2021
#SpringRevolution
#PVTV

Like – 3.4K Share – 179

Public Voice Television Facebook

Public Voice is Public Power.

PVTV will broadcast the activities of Committee Representing Pyidaungsu Hluttaw, National Unity Consultative Council and National Unity Government and other artworks which reflect the spirit of Spring Revolution.