ဖောင်းပြင်မှာ ပြည်သူ့ကာကွယ်ရေးတပ်တွေက ရဲစခန်း ၂ ခုကို ဝင်ရောက်စီးနင်း၊ စခန်းတစ်ခုကို မီးရှို့ဖျက်ဆီးပြီး စခန်းတစ်ခုက စခန်းမှူးကို ဖမ်းဆီးရမိ

ဖောင်းပြင်မှာ ပြည်သူ့ကာကွယ်ရေးတပ်တွေက ရဲစခန်း ၂ ခုကို ဝင်ရောက်စီးနင်း၊ စခန်းတစ်ခုကို မီးရှို့ဖျက်ဆီးပြီး စခန်းတစ်ခုက စခန်းမှူးကို ဖမ်းဆီးရမိ
ဇန်နဝါရီ ၂၃ ၊ ၂၀၂၂

စစ်ကိုင်းတိုင်း၊ ဖောင်းပြင်မြို့နယ်မှာ ပြည်သူ့ကာကွယ်ရေးတပ်တွေက ဇန်နဝါရီ ၂၂ ရက် တစ်နေ့တည်း ရဲစခန်းနှစ်ခုကို ဝင်ရောက်စီး နင်းခဲ့ပြီး စခန်းတစ်ခုကို မီးရှို့ဖျက်ဆီးခဲ့သလို နောက်စခန်းတစ်ခုက စခန်းမှူးအပါအဝင် ရဲတပ်သား ၆ ယောက်ကို ဖမ်းဆီးရမိခဲ့ပါတယ်။

ဖောင်းပြင်မြို့နယ်၊ မိုင်းချောင်းရဲစခန်းကို ဇန်နဝါရီ ၂၂ ရက်မွန်းလွဲ ၃ နာရီအချိန်က ဖောင်းပြင် PDF အဖွဲ့က အင်အား ၂၃ ယောက်နဲ့ ဖောင်းပြင်မြို့နယ် ပကဖ ၂၀ ဦးတို့က ဝင်ရောက်တိုက်ခိုက်ခဲ့တာပါ။ တိုက်ပွဲကြာမြင့်ချိန် ၁ နာရီအတွင်းပြီးဆုံးခဲ့ပြီး ရဲတပ်သား ၈ ဦး ထွက်ပြေးသွားပြီး ၂ ဦးကိုဖမ်းဆီးရမိခဲ့ပါတယ်။

ရဲစခန်းအတွင်းက G3 ၃ လက်သိမ်းဆည်းရမိခဲ့ပြီး ရဲစခန်းကို မီးရှို့ဖျက်ဆီးခဲ့ပါ တယ်။ အဲဒီတိုက်ပွဲမှာတော့ ဖောင်းပြင် PDF နဲ့ ဖောင်းပြင်မြို့နယ် ပကဖတို့ဘက်က ထိခိုက်ဒဏ်ရာရမှု မရှိခဲ့ပါဘူး။

အဆိုပါတစ်ရက်တည်းမှာပဲ ဖောင်းပြင်မြို့နယ်၊ ရေအောက်တောင်း ရဲစခန်းကို ဖောင်းပြင် PDF အင်အား ၃၀ နဲ့ ဖောင်းပြင်မြို့နယ် ပကဖ ၅ ဦး စုစုပေါင်း ၃၅ ဦးတို့က ဝင်ရောက်တိုက်ခိုက်ခဲ့ပါတယ်။ တိုက်ပွဲကြာမြင့်ချိန်က တစ်နာရီနဲ့မိနစ်၂၀ ခန့်လောက်ဖြစ်ပြီး တော့ ရဲတပ်သား ၂ ဦးထွက်ပြေးခဲ့ပြီး စခန်းမှူးအပါအဝင် ရဲတပ်သား ၆ ဦးဖမ်းဆီးရမိခဲ့ပါတယ်။

ဒါအပြင် ရဲခစန်းအတွင်းက G3 ၅လက်၊ စတင်း(အူဇီ) ၂ လက်၊ ကျည်မျိုးစုံ၊ လက်ပတော့ ၁ လုံး၊ ဆိုင်ကယ် ၂ စီးတို့ကို သိမ်းဆည်း ရမိခဲ့ပြီး ဖောင်းပြင် PDF တပ်ရင်းက တစ်ဦး ဒဏ်ရာကို မစိုးရရတဲ့ အခြေအနေနဲ့ ရရှိခဲ့ပါတယ်။

#PVTV
#PVTVNews
#PVTV ရဲ့ သတင်းများကို Telegram Channel – https://t.me/pvtvmyanmar ကို subscribe လုပ်ထားခြင်းအားဖြင့် ဖတ်ရှုနိုင်ပြီဖြစ်ပါတယ်။

Public Voice is Public Power.

PVTV will broadcast the activities of Committee Representing Pyidaungsu Hluttaw, National Unity Consultative Council and National Unity Government and other artworks which reflect the spirit of Spring Revolution.