ဖေဖော်ဝါရီ ၆ ရက် တိုက်ပွဲသတင်းများစုစည်းဖော်ပြမှု
==============================
⚠️စစ်ကိုင်းတိုင်း၊ ယင်းမာပင်ခရိုင်၊ ပုလဲမြို့နယ်ရှိ ပုလဲမြို့မရဲစခန်းနှင့် မြို့နယ် အထွေ ထွေအုပ်ချုပ်ရေးမှူးရုံးကို PDF ပူးပေါင်းတပ်ဖွဲ့များက ယမန်နေ့ညပိုင်းက ဝင်ရောက်ပစ်ခတ်တိုက်ခိုက်ပြီး ပစ်တ်မှုများကြောင့် လူ၈ ဦးထက်မနည်းထိခိုက်သေဆုံးမှုများရှိကြောင်း ဒေသခံများနှင့်ဒေသကာကွယ်ရေးတပ်ဖွဲ့များ၏ ထုတ်ပြန်ချက်အရ သိရှိရပါတယ်။ ဖေဖော်ဝါရီလ ၅ ရက်နေ့ ည ၉ နာရီခွဲအချိန် ပုလဲမြို့ရဲစခန်းနှင့် အထွေထွေအုပ်ချုပ်ရေးမှူးရုံးကို PDF ပူးပေါင်းတပ်ဖွဲ့များဖြစ်သည့် ကျားသစ်နက်တပ်ဖွဲ့၊ ဒေါင်းနက်တပ်ဖွဲ့၊ MPL နှင့်မြိုင်အဖွဲ့များ၊ မြောက်ပိုင်းအဖွဲ့များက ဝင်ရောက် ပစ်ခတ်တိုက်ခိုက်ကြောင်း ၊ ပစ်ခတ်မှုများကြောင့် ပျူစောထီးနှင့်သတင်းပေး ၈ ဦး ထက်မနည်း ကျဆုံးကြောင်း Pale People’s Defence Force – Headquarters အဖွဲ့မှ ပြန်ကြားရေးတာဝန်ခံက ရန်ကုန်ခေတ်သစ်သတင်းဌာနသို့ ပြောဆိုခဲ့ပါတယ်။
⚠️ကချင်ပြည်နယ် ၊ဖားကန့် မြို့နယ်ရှိ မနော့မှော် နှင့် ကပ်မော်ရွာအနီးကချင်လွတ်လပ်ရေးတပ်မတော်နှင့် စစ်ကောင်စီတပ်တိုက်ပွဲတွင် စစ်ကောင်စီတပ်မှ ၂၀၀ခန့်သေဆုံးခဲ့ကြောင်း KIA နှင့်နီးစပ်သောသတင်းရင်းမြစ်များနှင့် ဒေသခံများထံမှ သိရပါတယ်။ ဖေဖော်ဝါရီ ၃ ရက်မှ စ၍ တိုက်ပွဲများပြင်းထန်စွာဖြစ်ပွားခဲ့ပြီး စစ်ကောင်စီတပ်ကအထိနာသဖြင့် ဖေဖော်ဝါရီ ၅ ရက်ညနေတွင် ရဟတ်ယာဥ်များဖြင့် စစ်ကောင်စီတပ်က တပ်သားများအကူပို့ထားသော်လည်း ယမန်နေ့(ဖေဖော်ဝါရီ ၅)ည တိုက်ပွဲတွင် အကူရောက်လာသောစစ်ကောင်စီတပ်သားများအပါအဝင်အများအပြားထပ်မံသေဆုံးခဲ့ခြင်းဖြစ်သည်။ ဖေဖော်ဝါရီ ၃ ရက်ကတည်းက ဆိုပါက စစ်ကောင်စီတပ်သေဆုံးသူ ၂၀၀ ဝန်းကျင်ရှိနေပြီဖြစ်ကြောင်း ဒေသခံအချို့ကဆိုပါတယ်။
သည်းထန်စွာရွာနေသောမိုးအောက်တွင် ယမန်နေ့ညတိုက်ပွဲမှာ ပြင်ထန်ပြီး မနေ့ကမှစစ်ကူထပ်ရောက်လာသော စစ်ကောင်စီတပ်သားအားလုံးနီးပါသေဆုံးသွားကြောင်းလည်းအခြားသတင်းရင်းမြစ်တစ်ဦးက ပြောသည်။ KIA တပ်ဖွဲ့ဝင်အချို့လည်း ကျဆုံးဒဏ်ရာရရှိခဲ့ကြောင်းလည်း အဆိုပါသတင်းရင်းမြစ်က ပြောပါတယ်။
စစ်ကောင်စီတပ်က အထိနာသဖြင့် လက်နက်ကြီးများဖြင့် အချက်ရေများစွာပစ်ခတ်သလို ၊လေယာဥ်များဖြင့်ပါ ပြည်သူများနေထိုင်သောကျေးရွာများကိုပါ ဗုံကြဲခဲ့သဖြင့် ဖေဖော်ဝါရီ ၅ ရက်တွင် ခရစ်ယာန်သင်းအုပ်ဆရာတစ်ဦး နေအိမ်ဗုံထိမှန်ပြီး သင်းအုပ်ဆရာကွယ်လွန်ခဲ့သည်။ ထို့အပြင် ဒေသခံ အမျိုးသားတစ်ဦးသေဆုံးပြီး အမျိုးသမီးနှစ်ဦးလည်း ဒဏ်ရာရရှိခဲ့ကြောင်းဒေသခံများက ပြောပါတယ်။ စစ်ကောင်စီတပ်မှ သေဆုံးရုပ်အလောင်းများထဲမှ အရာရှိအလောင်းများကိုသာ လေယာဥ်ဖြင့် သယ်ဆောင်သွားသည်ဟုလည်း မျက်မြင်တွေ့သူအချို့က ပြောပါတယ်။ စစ်ကောင်စီတပ်ကို အထိနာအောင် တိုက်ခိုက်နေသောတပ်မှာ KIA အမှတ် (၄၄)တပ်ရင်းဖြစ်ပြီး ပြည်သူ့ကာကွယ်ရေးတပ်(PDF)များကလည်း ကူညီတိုက်ခိုက်ပေးနေကြောင်း သိရပါတယ်။
⚠️အမျိုးသားညီညွတ်ရေးအစိုးရ ပြည်ထဲရေးနဲ့ လူဝင်မှုကြီးကြပ်ရေး ဝန်ကြီးဌာနက ဖေဖော်ဝါရီလ ၆ ရက်စွဲနဲ့ ထုတ်ပြန်တဲ့ ပြည်သူ့ခုခံတော်လှန်စစ် သတင်းအချက်အလက်များ⚠️
========================================
အာဏာသိမ်းအကြမ်းဖက်စစ်အုပ်စု၏ ပြည်သူလူထုအပေါ် အကြမ်းဖက်ဖိနှိပ်ဖမ်းဆီးတိုက်ခိုက်သတ်ဖြတ် နေမှုများကို ပြည်သူလူထုတစ်ရပ်လုံးက အသက်ရှင်သန်ရေးအတွက် မိမိကိုယ်ကိုယ်ကိုမိမိ ခုခံကာကွယ်ပိုင်ခွင့် အရ၊ ပြည်သူ့ခုခံစစ် (Peoples Defensive War) ကို ဆင်နွှဲလျက်ရှိပါတယ်။
သတင်းအချက်အလက်များအရ(၅. ၂. ၂၀၂၂) ရက်နေ့တွင်
စစ်ကောင်စီတပ်ဖွဲ့ဝင် ၈၃ဦး သေဆုံးပြီး
ထိခိုက်ဒဏ်ရာရရှိသူ – ၁၉ဦး
အထိ ခုခံတိုက်ခိုက်နိုင်ခဲ့ပါတယ်။
စစ်အာဏာရှင်စနစ် မြန်မာ့မြေပေါ်မှ အပြီးတိုင်ချုပ်ငြိမ်းရေး နှင့် ဖက်ဒရယ်ဒီမိုကရေစီတည်ဆောက်ရေးအတွက် ငြိမ်းချမ်းစွာဆန္ဒပြသည့် လူထုသပိတ်တိုက်ပွဲများက ပြည်နယ်နဲ့ တိုင်းဒေသကြီးများမှာဖြစ်ပွါးပေါ်ပေါက်လျက်ရှိပါတယ်။
မြေပြင်မှာ ယခုတွေ့ရတဲ့သတင်းအချက်အလက်များထက် ပို၍ ဖြစ်ပွါးနိုင်ပါတယ်။
