ဇူလိုင် ၂ ရက်တိုက်ပွဲသတင်းများ စုစည်းဖော်ပြမှု
===============================
⚠️ မွန်ပြည်နယ်၊ ကျိုက်ထိုမြို့နယ်၊ အင်္ဂဘိုကျေးရွာ ဆီအုန်းအမှတ် ၂၊ လေးဒေါင့်ကန်အနီးတွင် အကြမ်းဖက်စစ်ကောင်စီ၏ လက်နက်ခဲယမ်းနှင့် လောင်စာဆီတင်ယာဉ်တန်းကို KNLA ပူးပေါင်းတပ်ဖွဲ့၊ သထုံခရိုင် PDF တပ်ရင်း ၃ အဖွဲ့တို့က ယနေ့ ဇူလိုင်လ ၂ ရက် နံနက် ၈ နာရီ ၄၉ မိနစ်ဝန်းကျင်တွင် ကြားဖြတ်တိုက်ခိုက်ရာ ကား ၂ စီး မီးလောင်ပျက်စီးသွားကြောင်း သထုံခရိုင် PDF တပ်ရင်း ၃ က သတင်းထုတ်ပြန်ပါတယ်။ အဆိုပါ လက်နက်ခဲယမ်း၊ လောင်စာဆီတင်ယာဉ်တန်းသည် ယခုလက်ရှိ တိုက်ပွဲများဖြစ်ပွားနေသည့် KNU တပ်မဟာ ၆ နယ်မြေရှိ ဥကရစ်ထခြေကုတ်စခန်းကို ပို့ဆောင်မည့် ယာဉ်တန်းဖြစ်ကြောင်း သထုံခရိုင် PDF တပ်ရင်း ၃ က ဆိုပါတယ်။ တိုက်ခိုက်မှုတွင် ကား ၂ စီး မီးလောင်ပျက်စီးခဲ့ပြီး စစ်သား ထိခိုက်သေဆုံးစာရင်းကို မသိရှိရသေးကြောင်း၊ နံနက် ၁၀ နာရီ ၄၀ မိနစ်တွင် စစ်ကောင်စီတပ်ဖွဲ့က တိုက်ပွဲဖြစ်ရာ အနီးဝန်းကျင်သို့ လက်နက်ကြီးများ ရမ်းသန်းပစ်ခတ်ခဲ့ကြောင်း KNLA ပူးပေါင်းတပ်ဖွဲ့ဘက်မှ ထိခိုက်မှု မရှိကြောင်း ထုတ်ပြန်ထားပါတယ်။
⚠️ ရှမ်းပြည်နယ်မြောက်ပိုင်း၊ မုံးကိုးခရိုင်တွင် အကြမ်းဖက်စစ်ကောင်စီတပ်နှင့် MNDAA ကိုးကန့်တပ်ဖွဲ့ကြား ဇွန်လ ၂၆ ရက်နှင့် ၃၀ ရက်နေ့တွင် တိုက်ပွဲ ၂ ကြိမ်ဖြစ်ပွားပြီး စစ်ကောင်စီဘက်မှ ၃ ဦးထက်နည်း ထိခိုက်သေဆုံးကြောင်း The Kokang က သတင်းထုတ်ပြန်ပါတယ်။ ဇွန်လ ၃၀ ရက်နံနက်တွင် စစ်ကောင်စီ၏ တပ်မ ၉၉ လက်အောက်ခံ ခမရ ၄၂၀၊ စကခ ရ လက်အောက်ခံ ခမရ ၃၃၆ နှင့် ခမရ ၂၁၆ စုစုပေါင်း အင်အား ၉၀ ကျော်ခန့်သည် MNDAA ရှိရာဘက်သို့ စစ်ကြောင်းထိုးလာခဲ့ပြီး ညနေ ၃ နာရီခန့်မှ ၄ နာရီ ၂၅ မိနစ်အထိ တိုက်ပွဲဖြစ်ပွားကာ စစ်ကောင်စီဘက်မှ ၃ ဦး သေဆုံးပြီး MNDAA ဘက်မှ ၂ ဦး ဒဏ်ရာရရှိကြောင်း ထုတ်ပြန်ထားပါတယ်။ ဇွန်လ ၂၆ ရက် နေ့လယ် ၁ နာရီ ၅၃ မိနစ်တွင် အင်အား ၈၀ ကျော်ပါသော တပ်မ ၉၉ လက်အောက်ခံ ခမရ ၄၂၀ နှင့် MNDAA ကြား ၁ နာရီခန့် တိုက်ပွဲဖြစ်ပွားခဲ့ပြီး စစ်ကောင်စီဘက်မှ အနည်းဆုံး ၃ ဦး ဒဏ်ရာရရှိခဲ့ကြောင်း ကိုးကန့်သတင်းရင်းမြစ်က ဆိုပါတယ်။
⚠️ စစ်ကိုင်းတိုင်း တန့်ဆည်မြို့နယ် အင်္ကုက္ကားမှ ဒေါင့်ကြီးရွာဘက်ကို ထွက်ခွာလာသော အကြမ်းဖက် စစ်တပ် ကင်းလှည့် စစ်ကြောင်းကို ဒေသခံ ကာကွယ်ရေး တပ်ဖွဲ့များက ဇူလိုင်လ ၁ ရက်နေ့ ည ၉ နာရီခန့်တွင် မိုင်းဆွဲ တိုက်ခိုက်ခဲ့ပြီး စစ်သား ၅ ဦးသေဆုံးခဲ့ကြောင်း Guerrilla Warfare – K.P.K တပ်ဖွဲ့မှ သိရပါတယ်။ အကြမ်းဖက် စစ်တပ် ကင်းလှည့် စစ်ကြောင်းကို ဒေကာကွယ်ရေးမဟာမိတ်အဖွဲ့များမှ ကျွန်းတော အရောက်တွင် မိုင်းဆွဲ တိုက်ခိုက် ခဲ့ခြင်းဖြစ်ပြီး စစ်သား ၅ ဦးသေဆုံးခဲ့ကာ ပြည်သူ့ကာကွယ်ရေး တပ်ဖွဲ့များ အောင်မြင်စွာ ဆုတ်ခွါနိုင်ခဲ့ကြောင်းသိရပါတယ်။
⚠️ အလားတူ မကွေးတိုင်း ရေစကြိုမြို့နယ် ဗြိဘ(အရှေ့)ရွာကို အကြမ်း ဖက် စစ်တပ်က ဇူလိုင်လ ၂ ရက်နေ့ နံနက် ၁၀ နာရီခန့်တွင် ဝင်ရောက်စီး နင်း မီးရှို့ဖျက်ဆီးပြီးနောက် ဗြိဘ(အနောက်)ရွာ အရောက်တွင် ဒေသခံ ကာကွယ်ရေး တပ်ဖွဲ့များကနှင့် တိုက်ပွဲဖြစ်ပွားခဲ့ပြီး စစ်သား ၅ ဦးသေဆုံးခဲ့ကြောင်း ရေစကြို PDF တပ်ဖွဲ့ထံမှ သိရပါတယ်။
⚠️ မကွေးတိုင်း၊ ထီးလင်းမြို့နယ်၊ ထလင်းရွာမှ ထွက်လာသော အင်အား ၂၀၀ ခန့်ပါသည့် စစ်ကောင်စီစစ်ကြောင်းကို YDF တပ်ရင်း ၆၊ ၇၊ ၈၊ ၁၅ တို့ ပူးပေါင်းကာ ယနေ့ ဇူလိုင်လ ၂ ရက် နံနက် ၁၀ နာရီဝန်းကျင်တွင် ရှေ့ထွက်မိုင်းများ ဖောက်ခွဲပြီး ပစ်ခတ်တိုက်ခိုက်ရာ စစ်သား ၁၅ ဦးထက်မနည်း သေဆုံးကာ အများအပြား ဒဏ်ရာရကြောင်း YDF တပ်ရင်း ၁၅၊ ရွှေစွန်ညို က သတင်းထုတ်ပြန်ပါတယ်။ စစ်ကောင်စီစစ်ကြောင်းကို ရှေ့ထွက်မိုင်းခြောက်လုံး ဖောက်ခွဲတိုက်ခိုက်ရာ စစ်သားများ ကစဥ့်ကလျားဖြစ်နေချိန် အပေါ်စီးမှ ပစ်ခတ်ခြင်းကြောင့် စစ်သား ၁၅ ဦးထက်မနည်းသေဆုံးကာ အများအပြား ဒဏ်ရာရကြောင်း သိရှိရပါတယ်။
⚠️ အမျိုးသားညီညွတ်ရေးအစိုးရ ပြည်ထဲရေးနဲ့ လူဝင်မှုကြီးကြပ်ရေး ဝန်ကြီးဌာနရဲ့ ဇူလိုင်လ ၂ရက်စွဲ ထုတ်ပြန်တဲ့ ပြည်သူ့ခုခံတော်လှန်စစ် သတင်းအချက်အလက်များ⚠️
============================================
အာဏာသိမ်းအကြမ်းဖက်စစ်အုပ်စု၏ ပြည်သူလူထုအပေါ် အကြမ်းဖက်ဖိနှိပ်ဖမ်းဆီးတိုက်ခိုက်သတ်ဖြတ်နေမှုများကို ပြည်သူလူထုတစ်ရပ်လုံးက အသက်ရှင်သန်ရေးအတွက် မိမိကိုယ်ကိုယ်ကိုမိမိ ခုခံကာကွယ်ပိုင်ခွင့်အရ၊ ပြည်သူ့ခုခံစစ် (Peoples Defensive War) ကို ဆင်နွှဲလျက်ရှိပါတယ်။
သတင်းအချက်အလက်များအရ(၁.၇. ၂၀၂၂) သောကြာနေ့တွင်
စစ်ကောင်စီတပ်ဖွဲ့ဝင် ၇၉ဦး သေဆုံးပြီး
ထိခိုက်ဒဏ်ရာရရှိသူ – ၉ဦး
အထိ ခုခံတိုက်ခိုက်နိုင်ခဲ့ပါတယ်။
စစ်အာဏာရှင်စနစ် မြန်မာ့မြေပေါ်မှ အပြီးတိုင်ချုပ်ငြိမ်းရေး နှင့် ဖက်ဒရယ်ဒီမိုကရေစီတည်ဆောက်ရေးအတွက် ငြိမ်းချမ်းစွာဆန္ဒပြသည့် လူထုသပိတ်တိုက်ပွဲများက ပြည်နယ်နဲ့ တိုင်းဒေသကြီးများမှာဖြစ်ပွါးပေါ်ပေါက်လျက်ရှိပါတယ်။
မြေပြင်မှာ ယခုတွေ့ရတဲ့သတင်းအချက်အလက်များထက် ပို၍ ဖြစ်ပွါးနိုင်ပါတယ်။
