ဇူလိုင် ၁၁ ရက် တိုက်ပွဲသတင်းများ စုစည်းဖော်ပြမှု

ဇူလိုင် ၁၁ ရက် တိုက်ပွဲသတင်းများ စုစည်းဖော်ပြမှု
================================

⚠️ စစ်ကိုင်းတိုင်း ဒီပဲယင်းမြို့အဝင် အကြမ်းဖက် စစ်တပ်၏ ဆက်ကြေး ကောက်ခံနေသော စစ်ဆေးရေး ဂိတ်ကို Freedom Revolution Force FRF (ရွှေဘိုခရိုင်တပ်ရင်း ၂၄) နှင့် မြို့ပြစစ်ဆင်ရေးအထူးအဖွဲ့တို့ ပူးပေါင်းပြီး ဇူလိုင်လ ၁၀ ရက်နေ့ နံနက် ၈ နာရီ ၃၀ မိနစ်တွင် ၄၀ မမ ဗုံးပစ်လောင်ချာဖြင့် ပစ်ခတ် တိုက်ခိုက် ခဲ့ကြောင်းသိရပါတယ်။အ ဆိုပါ ပစ်ခတ် တိုက်ခိုက်မှုတွင် ၄၀ မမ ဗုံးသီး ၂ လုံးသည် စစ်ဆေးရေး ဂိတ်အနီးတွင် ကျရောက် ပေါက်ကွဲခဲ့ပြီး စစ်တပ်ဘက်မှ လက်နက်ကြီး၊ လက်နက်ငယ်များဖြင့်ပြန်လည် ပစ်ခတ်ခဲ့ကာ ခရီးသွားပြည်သူများအပေါ်အကြမ်းဖက် ဆက်ကြေး ကောက်ခံမှုများအား ပြင်းပြင်းထန်ထန် အရေးယူ ဆောင်ရွက်သွားမည် ဖြစ်ကြောင်း Freedom Revolution Force တပ်ဖွဲ့မှ ထုတ်ပြန်ထားပါတယ်။

⚠️ စစ်ကိုင်းတိုင်း၊ မြင်းမူမြို့နယ်၊ ကန်ဖျားဇရပ်နှင့်နပဲကြူးဇရပ်အကြားတွင် အကြမ်းဖက်စစ်တပ် ထောက်ပို့ကား ၂ စီးကို ဒေသခံ ကာကွယ်ရေး တပ်ဖွဲ့များက ဇူလိုင်လ ၁၁ ရက်နေ့ နံနက် ၉ နာရီ ၃၀ မိနစ်တွင် မိုင်းဆွဲ တိုက်ခိုက်ခဲ့ကြောင်း Moe Nyo Revolution Force (M.N.R.F) တပ်ဖွဲ့က သတင်းထုတ်ပြန်ပါတယ်။ အဆိုပါ ထောက်ပို့ယာဥ် ၂ စီးသည် စစ်ကိုင်းဘက်မှ ထွက်လာခြင်းဖြစ်ပြီး Moe Nyo Revolution Force M.N.R.F၊ PENTAGRAM ငါးထောင့်ကြယ်၊ People’s Guerillas Commando – Myinmu နှင့် PEOPLE REVOLUTION FORCE P.R.F ညီနောင်လေးဖွဲ့တို့က မိုင်း ၈ လုံးဖြင့် ဖောက်ခွဲ တိုက်ခိုက်ခဲ့ပြီး စစ်သားများ ထိခိုက်သေဆုံးမှု အခြေအနေကို အတည်မပြုနိုင်သေးပါဘူး။

⚠️ ရှမ်းပြည်နယ်၊ ရွာငံ-ပင်းတယလမ်းပိုင်း၊ ညောင်ကုန်းနှင့် လက်ပံကြားတွင် စစ်ကား ၇ စီးပါ ယာဥ်တန်းကို ဒေသခံ ကာကွယ်ရေး တပ်ဖွဲ့များက ဇူလိုင်လ ၁၀ ရက်နေ့ မွန်းလွဲ ၁ နာရီခန့်တွင် ပဒေသာမိုင်းဖြင့် ဖောက်ခွဲ တိုက်ခိုက်ခဲ့ပြီး စစ်သား ၁၀ ဦးထက်မနည်း သေဆုံးခဲ့ကြောင်း ကျောက်ဆည်နဂါးနီ ပျောက်ကြားတပ်ဖွဲ့ သိရပါတယ်။ အဆိုပါ ယာဥ်တန်းတွင် ရွာငံ-ပင်းတယမြို့နယ် ဦးစီးမှူး ဒေသဦးစီးမှူး အာကာလင်း လိုက်ပါလာပြီး ရွာငံမြို့မှ ပြန်လာစဥ် ကျောက်ဆည် နဂါးနီ ပျောက်ကြားတပ်ဖွဲ့ နှင့် ရွာငံပြည်သူ့ကာ ကွယ်ရေး အဖွဲ့ တို့က ပူးပေါင်းတိုက်ခိုက်ခဲ့ခြင်း ဖြစ်ကြောင်း သိရပါတယ်။ယင်း ဖောက်ခွဲ တိုက်ခိုက်ခံရမှု ဖြစ်စဥ်အတွင်း စစ်ကား ၂ စီး ပျက်ဆီးခဲ့ပြီး စစ်သား ၁၀ ဦးထက်မနည်း ပွဲချင်းပြီး သေဆုံးခဲ့ကာ စခ(၁၀)ကောင်ခန့် နေရာတွင်ပွဲချင်းပြီးသေဆုံးကာ သေဆုံး စစ်သား အလောင်းများနှင့် ထိခိုက် ဒဏ်ရာရရှိသော စစ်သားများကို အောင်ပန်းမြို့ ကုတင် ၇၀၀ စစ်ဆေးရုံသို့ သယ် ဆောင်သွားကြောင်း သိရပါတယ်။

⚠️ ကချင်ပြည်နယ်၊ ရွှေကူမြို့နယ်၊ မင်းကျောင်းကုန်းရွာမှ ကျောက်ကြီးကျေးရွာဘက်သို့ ဧရာဝတီမြစ်အတိုင်း ဆန်တက်လာသည့် စစ်ကောင်စီတပ်ဖွဲ့ဝင်များ လိုက်ပါလာသော သံခွံရှပ်ပြေးယာဉ်ကို ယနေ့ ဇွန်လ ၁၁ ရက် နံနက်အစောပိုင်း၌ မြို့လှ PDF က ပစ်ခတ်တိုက်ခိုက်ရာ စစ်ကောင်စီဘက်မှ ၄ ဦး သေဆုံးကာ ဒဏ်ရာရသူများရှိကြောင်း မြို့လှ PDF က သတင်းထုတ်ပြန်ပါတယ်။ အဆိုပါ ရှပ်ပြေးယာဉ်တွင် ခမရ ၄၁၅ မှ ဗိုလ်မှူး သိန်းမြင့်အောင် ဦးဆောင်သော တပ်ဖွဲ့လိုက်ပါလာပြီး မြို့လှ KPDF တပ်ခွဲ ၁ ဗိုလ်မိုးကြိုး ဦးဆောင်သောအဖွဲ့က တိုက်ခိုက်ခြင်းဖြစ်ပါတယ်။ ယင်းနောက် ရွှေကူမြို့နယ်၊ ကျောက်ကြီးကျေးရွာမှ အကြမ်းဖက်စစ်တပ်ကို ထောက်တိုင်သဖွယ် ဝန်ဆောင်မှုပေးနေသည့် သံခွံရှပ်ပြေးယာဉ်ကို မြို့လှ PDF က ဖောက်ခွဲရှင်းလင်းလိုက်ကြောင်း မြို့လှ KPDF က သတင်းထုတ်ပြန်ပါတယ်။

⚠️ အမျိုးသားညီညွတ်ရေးအစိုးရ ပြည်ထဲရေးနဲ့ လူဝင်မှုကြီးကြပ်ရေး ဝန်ကြီးဌာနရဲ့ ဇူလိုင်လ ၁၁ရက်စွဲနဲ့ ထုတ်ပြန်တဲ့ ပြည်သူ့ခုခံတော်လှန်စစ် သတင်းအချက်အလက်များ⚠️
============================================

အာဏာသိမ်းအကြမ်းဖက်စစ်အုပ်စု၏ ပြည်သူလူထုအပေါ် အကြမ်းဖက်ဖိနှိပ်ဖမ်းဆီးတိုက်ခိုက်သတ်ဖြတ်နေမှုများကို ပြည်သူလူထုတစ်ရပ်လုံးက အသက်ရှင်သန်ရေးအတွက် မိမိကိုယ်ကိုယ်ကိုမိမိ ခုခံကာကွယ်ပိုင်ခွင့်အရ၊ ပြည်သူ့ခုခံစစ် (Peoples Defensive War) ကို ဆင်နွှဲလျက်ရှိပါတယ်။

သတင်းအချက်အလက်များအရ(၁၀.၇. ၂၀၂၂) သောကြာနေ့တွင်
စစ်ကောင်စီတပ်ဖွဲ့ဝင် ၇၂ဦး သေဆုံးပြီး
ထိခိုက်ဒဏ်ရာရရှိသူ – ၁၄ဦး
အထိ ခုခံတိုက်ခိုက်နိုင်ခဲ့ပါတယ်။

စစ်အာဏာရှင်စနစ် မြန်မာ့မြေပေါ်မှ အပြီးတိုင်ချုပ်ငြိမ်းရေး နှင့် ဖက်ဒရယ်ဒီမိုကရေစီတည်ဆောက်ရေးအတွက် ငြိမ်းချမ်းစွာဆန္ဒပြသည့် လူထုသပိတ်တိုက်ပွဲများက ပြည်နယ်နဲ့ တိုင်းဒေသကြီးများမှာဖြစ်ပွါးပေါ်ပေါက်လျက်ရှိပါတယ်။

မြေပြင်မှာ ယခုတွေ့ရတဲ့သတင်းအချက်အလက်များထက် ပို၍ ဖြစ်ပွါးနိုင်ပါတယ်။