ဇန်နဝါရီ ၂၇ ရက် တိုက်ပွဲသတင်းများစုစည်းဖော်ပြမှု

ဇန်နဝါရီ ၂၇ ရက် တိုက်ပွဲသတင်းများစုစည်းဖော်ပြမှု
=============================

⚠️ကရင်နီပြည်နယ်၊ လွိုင်ကော်မြို့၊ မှုံပြာကန်အနီးတွင် အကြမ်းဖက်စစ်ကောင်စီတပ်ဖွဲ့နှင့် ဒီးမော့ဆိုမြို့နယ် ပြည်သူ့ကာကွယ်ရေးတပ်ဖွဲ့ကြား ယနေ့ နံနက်တွင် တိုက်ပွဲဖြစ်ပွားပြီး စစ်သား ၁ ဦး စနိုက်ပါထိမှန်သေဆုံးပြီး အများအပြား ဒဏ်ရာရကြောင်းဒီးမော့ဆို PDF က သတင်းထုတ်ပြန်ပါတယ်။
မှုံပြာကန်အနီး အင်အားအလုံးအရင်းဖြင့် ထိုးစစ်ဆင်လာသော စစ်ကောင်စီတပ်ဖွဲ့နှင့် ဒီးမော့ဆို PDF ကြား ယနေ့နံနက် ၁၀ နာရီမှ ၁၁ နာရီထိ တိုက်ပွဲဖြစ်ပွားကြောင်း၊ တိုက်ပွဲတွင် အကြမ်းဖက်စစ်သား ၁ ဦး စနိုက်ပါကျည်ထိမှန်သေဆုံးပြီး ထိခိုက်ဒဏ်ရာရမှုများလည်း ရှိကြောင်း သိရှိရပါတယ်။
စစ်ကောင်စီဘက်မှ လက်နက်ကြီးများဖြင့် ပစ်ခတ်မှုကြောင့် ဒီးမော့ဆို PDF တပ်ဖွဲ့ဝင်များ ပြန်လည်ဆုတ် ခွာခဲ့ရကြောင်းနှင့် အထိအခိုက်မရှိခဲ့ကြောင်း ပြည်သူ့ကာကွယ်ရေးတပ်ဖွဲ့-ဒီးမော့ဆိုကသတင်းထုတ်ပြန်ပါတယ်။
⚠️ စစ်ကိုင်းတိုင်း၊ ကနီနယ်၊ ချင်းတွင်းမြစ်တွင် စစ်ရေယာဉ်အုပ်စု တိုက်ခိုက်ခံရပြီး စစ်သား ၁၀ ဦးကျော်သေ ဆုံးကြောင်း DRPA က သတင်းထုတ်ပြန်ပါတယ်။ ယမန်နေ့ ချင်းတွင်းမြစ်ဝှမ်းဒေသ ကနီနယ် ဘုမ္မဇင်းရွာ သောင်ပြင်တွင် ညအိပ်ရပ်နားခဲ့သော စစ် ရေယာဥ်အုပ်စုသည် ယနေ့နံနက်ပိုင်း ချင်းတွင်းမြစ်အတိုင်း ဆန်တက်လာရာ နံနက် ၉ နာရီ ၃၀ မိနစ်ဝန်းကျင် မြွေပိုင်းတောင်အနီး DRPA ၊KGF၊KPDF၊Chindwin Dragon၊ရွှေတြိဂံနှင့် ကိုလမင်းအဖွဲ့ ပူးပေါင်းမဟာမိတ်တပ်ဖွဲ့များက ပူးပေါင်းတိုက်ခိုက်ခဲ့ကြောင်း စစ်သား ၁၀ ဦးကျော်သေဆုံးကြောင်း သိရှိရပါတယ်။
⚠️ ချင်းပြည်နယ်၊ မတူပီမြို့မှ ပြန်လည်ထွက်ခွာလာသော စစ်ကောင်စီယာဉ်တန်းသည် မတူပီ-မင်းတပ်လမ်း ပိုင်းတွင် ချင်းတပ်ဖွဲ့များ၏ ကြားဖြတ်တိုက်ခိုက်ခြင်းကို ခံရပြီး စစ်သား ၈ ဦးသေဆုံးပြီး ၁၃ ဦးထက်မနည်း ဒဏ်ရာရထားကြောင်း ချင်းတပ်ဖွဲ့များထံမှ သိရှိရပါတယ်။
ယနေ့ ဇန်နဝါရီလ ၂၇ ရက် နံနက်ပိုင်းတွင်း သံချပ်ကာ အမြှောက်ကား ၂ စီးပါ အဆိုပါ စစ်ကောင်စီယာဉ်တန်းကို CDF မင်းတပ်က တိုက်ခိုက်နေပြီး စစ်ကောင်စီဘက်မှ ၂ ဦး သေဆုံးထားကြောင်း CDF မင်းတပ် တပ်ဖွဲ့ဝင် ၁ ဦးထံမှ သိရှိရတာပါ။
အဆိုပါ စစ်ကောင်စီယာဉ်တန်းသည် မတူပီမှ ဇန်နဝါရီလ ၂၄ ရက်တွင် ပြန်လည်ထွက်ခွာလာပြီး ချန်ပြန်းရွာ ဟောင်းအနီးတွင် CDF Matupi က တိုက်ခိုက်ခဲ့ပြီး စစ်သား ၁ ဦး သေဆုံးကာ ၃ ဦး ဒဏ်ရာရကြောင်း၊ မတူပီ-မင်းတပ်ကားလမ်း မိုင်တိုင် ၈၀ အနီး၌ ယမန်နေ့ ဇန်နဝါရီလ ၂၆ ရက် နံနက် ၉ နာရီတွင် စစ်ယာဉ်တန်း ရောက်ရှိနေစဉ် CDF Matupi က ထပ်မံတိုက်ခိုက်ခဲ့ရာ စစ်သား ၅ ဦး သေဆုံးပြီး ၁၀ ဦးထက်မနည်း ဒဏ်ရာရကြောင်း CDF မတူပီက သတင်းထုတ်ပြန်ထားပါတယ်။ အကြမ်းဖက်စစ်ကောင်စီဘက်မှ လက်နက်ကြီးများဖြင့် ပတ်ဝန်းကျင်သို့ ပစ်ခတ်ခဲ့သော်လည်း CDF တပ်ဖွဲ့ဝင်များနှင့် ဒေသခံပြည်သူများ ထိခိုက်ကျဆုံးမှုမရှိကြောင်း သိရှိရပါတယ်။

⚠️အမျိုးသားညီညွတ်ရေးအစိုးရ ပြည်ထဲရေးနဲ့ လူဝင်မှုကြီးကြပ်ရေး ဝန်ကြီးဌာနက ဇန်နဝါရီ ၂၆ ရက်စွဲနဲ့ ထုတ်ပြန်တဲ့ ပြည်သူ့ခုခံတော်လှန်စစ် သတင်းအချက်အလက်များ⚠️
========================================

အာဏာသိမ်းအကြမ်းဖက်စစ်အုပ်စု၏ ပြည်သူလူထုအပေါ် အကြမ်းဖက်ဖိနှိပ်ဖမ်းဆီးတိုက်ခိုက်သတ်ဖြတ်နေမှုများကို ပြည်သူလူထုတစ်ရပ်လုံးက အသက်ရှင်သန်ရေးအတွက် မိမိကိုယ်ကိုယ်ကိုမိမိ ခုခံကာကွယ်ပိုင်ခွင့်အရ၊ ပြည်သူ့ခုခံစစ် (Peoples Defensive War) ကို ဆင်နွှဲလျက်ရှိပါတယ်။

သတင်းအချက်အလက်များအရ(၂၅. ၁. ၂၀၂၂) ရက်နေ့တွင်
စစ်ကောင်စီတပ်ဖွဲ့ဝင် ၅၁ဦး သေဆုံးပြီး
ထိခိုက်ဒဏ်ရာရရှိသူ – ၁၆ဦး
အထိ ခုခံတိုက်ခိုက်နိုင်ခဲ့ပါတယ်။

စစ်အာဏာရှင်စနစ် မြန်မာ့မြေပေါ်မှ အပြီးတိုင်ချုပ်ငြိမ်းရေး နှင့် ဖက်ဒရယ်ဒီမိုကရေစီတည်ဆောက်ရေးအတွက် ငြိမ်းချမ်းစွာဆန္ဒပြသည့် လူထုသပိတ်တိုက်ပွဲများက ပြည်နယ်နဲ့ တိုင်းဒေသကြီးများမှာဖြစ်ပွါးပေါ်ပေါက်လျက်ရှိပါတယ်။

မြေပြင်မှာ ယခုတွေ့ရတဲ့သတင်းအချက်အလက်များထက် ပို၍ ဖြစ်ပွါးနိုင်ပါတယ်။

Public Voice is Public Power.

PVTV will broadcast the activities of Committee Representing Pyidaungsu Hluttaw, National Unity Consultative Council and National Unity Government and other artworks which reflect the spirit of Spring Revolution.