ဇန်နဝါရီ ၁၉ ရက် တိုက်ပွဲသတင်းစုစည်းဖော်ပြမှု

ဇန်နဝါရီ ၁၉ ရက် တိုက်ပွဲသတင်းစုစည်းဖော်ပြမှု
===========================

၁။ ကရင်နီပြည်နယ်၊ လွိုင်ကော်မြို့၊ ဒေါဥခူရပ်ကွက်ရှိ အထွေထွေအုပ်ချုပ်ရေး စုပေါင်းခရိုင်ရုံးတွင် တပ်စွဲထားသော စစ်ကောင်စီတပ်ဖွဲ့ကို KDF၊ GZ 21 လွိုင်ကော်၊ JPDF ပူးပေါင်းတပ်ဖွဲ့တို့က ဇန်နဝါရီလ ၁၉ ရက် နံနက် ၁၂ နာရီ ၃ မိနစ်တွင် ဝင်ရောက်ပစ်ခတ်တိုက်ခိုက်ခဲ့ပြီး စစ်သား ၁၅ ဦး ခန့် သေဆုံးနိုင်ကြောင်း Karenni Democratic Front ထံမှ သိရှိရပါတယ်။
ပြီးခဲ့တဲ့ ဇန်နဝါရိ ၁၄ ရက် ညသန်းခေါင်အချိန်မှာလည်း ဒေါ်ဥခူရပ်ကွက်၊ အကျဉ်းထောင်အနီးက ခရိုင်ရဲရုံးကို မဟာမိတ်တပ်ဖွဲ့တွေ ဝင်ရောက်တိုက်ခိုက်ခဲ့ပြီး အကြမ်းဖက်စစ်သား ၆ ဦးသေခဲ့ပါသေးတယ်။

၂။ ချင်းပြည်နယ်၊ မတူပီမြို့မှ ထွက်ခွာလာသော အင်အား ၁၀၀ ခန့်ရှိ အကြမ်းဖက် စစ်ကောင်စီတပ်နှင့် ကာကွယ်ရေးမဟာမိတ်တပ်ဖွဲ့များကြား ဇန်နဝါရီလ ၉ ရက်နေ့မှ ၁၈ ရက်နေ့ထိ တိုက်ပွဲ ၁၁ ကြိမ်ဖြစ်ပွားပြီး စစ်ကောင်စီတပ်သား ၁၈ ဦး သေဆုံးကာ၊ CDF Zotung မှ ၁ ဦးကျဆုံးကာ ၂ ဦး ဒဏ်ရာရသွားကြောင်း သိရှိရပါတယ်။ ဇိုတုန်နယ်အတွင်းသို့ ကျူးကျော်ဝင်ရောက်လာသော စစ်ကောင်စီတပ်ဖွဲ့များသည် အများပြည်သူ နေအိမ်များနှင့် ဆိုင်ကယ်များကို ဖျက်ဆီးကြောင်း၊ ယင်းစစ်ကောင်စီတပ်နှင့် CDF Zotung၊ CNA၊ YDF၊ PDF-Yaw၊ CDF Hakha၊ CDF Zophei၊ CDF Matupi၊ CDF Lautu၊ CDF Senthang ပူးပေါင်းတပ်ဖွဲ့ကြား တိုက်ပွဲများဖြစ်ပွားခြင်းဖြစ်ကြောင်း CDF Zotung က သတင်းထုတ်ပြန်ပါတယ်။
ဇိုတုန်နယ်သည် မတူပီနှင့် ဟားခါးကြားတွင်တည်ရှိပြီး အရှေ့ဘက်တွင် ဂန့်ဂေါ၊ ထီးလင်းမြို့များ တည်ရှိပါတယ်။ ဇိုတုန်နယ်အတွင်း တိုက်ပွဲများကြောင့် စစ်ရှောင်ပြည်သူ ၃,၀၀၀ ကျော်ရှိနေ‌ေကြောင်း၊ နယ်စပ်သို့ စစ်ရှောင် ၄၀၀ ခန့် ရောက်ရှိနေကြောင်းနှင့် ပြည်သူများအနေဖြင့် မဖြစ်မနေ ဖြတ်သန်းသွားလာပါက ကြိုတင်အသိပေးကြရန် CDF Zotung က မေတ္တာရပ်ခံထားပါတယ်။

၃။ ကရင်အမျိုးသားအစည်းအရုံး KNU ကော်သူးလေအုပ်ချုပ်နယ်မြေတွင် နယ် မြေကျူးကျော်လာသော အကြမ်းဖက် စစ်ကောင်စီတပ်နှင့် KNLA၊ KNDO တပ်ဖွဲ့များကြား ၂၀၂၂ ခုနှစ် ဇန်နဝါရီလ ၁ ရက်နေ့မှ ၁၅ ရက်နေ့အတွင်း တိုက်ပွဲ ၁၈၁ ကြိမ်ဖြစ်ပွားခဲ့ပြီး စစ်သား ၁၅၉ ဦး သေဆုံးကာ ၁၀၂ ဦး ဒဏ်ရာရကြောင်း၊ KNLA ဘက်မှ ၁၃ ဦး ကျဆုံးကာ ၁၈ ဦး ဒဏ်ရာရရှိကြောင်း KNU က သတင်းထုတ်ပြန်ပါတယ်။ KNU တပ်မဟာ ၁ ဒူးသထူ (သထုံ) ခရိုင်၊ တပ်မဟာ ၃ ညောင်လေးပင်ခရိုင်၊ တပ်မဟာ ၄ ဘိတ်-ထားဝယ်ခရိုင်၊ တပ်မဟာ ၅ မူတြော် (ဖာပွန်) ခရိုင်၊ တပ်မဟာ ၆ ဒူးပလာယာခရိုင်များအတွင်း စစ်ကောင်စီက အများပြည်သူ လုပ်ငန်းခွင်များနှင့် ကျေးရွာများအတွင်းသို့ လက်နက်ကြီးများဖြင့် အကြိမ်ရေ ၂၀၀ ကျော်ခန့် ပစ်ခတ်ခဲ့ကြောင်း သိရှိရပါတယ်။

၄။ အမျိုးသားညီညွတ်ရေးအစိုးရ ပြည်ထဲရေးနဲ့ လူဝင်မှုကြီးကြပ်ရေး ဝန်ကြီးဌာနက ဇန်နဝါရီ ၁၉ ရက်စွဲနဲ့ ထုတ်ပြန်တဲ့ ပြည်သူ့ခုခံတော်လှန်စစ် သတင်းအချက်အလက်များ
– အာဏာသိမ်းအကြမ်းဖက်စစ်အုပ်စု၏ ပြည်သူလူထုအပေါ် အကြမ်းဖက်ဖိနှိပ်ဖမ်းဆီး တိုက်ခိုက် သတ်ဖြတ်နေမှုများကို ပြည်သူလူထုတစ်ရပ်လုံးက အသက်ရှင်သန်ရေးအတွက် မိမိကိုယ်ကိုယ်ကိုမိမိ ခုခံကာကွယ်ပိုင်ခွင့်အရ၊ ပြည်သူ့ခုခံစစ် (Peoples Defensive War) ကို ဆင်နွှဲလျက်ရှိပါတယ်။
– သတင်းအချက်အလက်များအရ (၁၈.၁. ၂၀၂၂) ရက်နေ့မှာ စစ်ကောင်စီတပ်ဖွဲ့ဝင် ၆၃ဦး သေဆုံးပြီး ထိခိုက်ဒဏ်ရာရရှိသူ – ၁၁ဦး အထိ ခုခံတိုက်ခိုက်နိုင်ခဲ့ပါတယ်။
– စစ်အာဏာရှင်စနစ် မြန်မာ့မြေပေါ်မှ အပြီးတိုင်ချုပ်ငြိမ်းရေးနဲ့ ဖက်ဒရယ်ဒီမိုကရေစီ တည်ဆောက်ရေး အတွက် ငြိမ်းချမ်းစွာဆန္ဒပြနေတဲ့ လူထုသပိတ်တိုက်ပွဲတွေက ပြည်နယ်နဲ့ တိုင်းဒေသကြီးတွေ မှာ ပုံမှန်လို တွေ့နေရပါပြီ။
#SpringRevolution
#PVTV
#PVTVNews
#PVTV ရဲ့ သတင်းများကို Telegram Channel – https://t.me/pvtvmyanmar ကို subscribe လုပ်ထားခြင်းအားဖြင့် ဖတ်ရှုနိုင်ပြီဖြစ်ပါတယ်။

Public Voice is Public Power.

PVTV will broadcast the activities of Committee Representing Pyidaungsu Hluttaw, National Unity Consultative Council and National Unity Government and other artworks which reflect the spirit of Spring Revolution.