စစ်မှန်သော ဖက်ဒရယ်ဒီမိုကရေစီပြည်ထောင်စု တည်ဆောက်ရေးအတွက် ပအိုဝ်းအမျိုးသမီး၊ အမျိုးသားတွေ ပါဝင်ဆင်နွဲနေကြတဲ့ လွတ်မြောက်ရေးကြိုးပမ်းအားထုတ်မှု လျင်မြန်စွာ ပြီးမြောက်အောင်မြင်စေဖို့ အမျိုးသားညီညွတ်ရေးအစိုးရက ဆုမွန်ကောင်းတောင်းတဲ့ သဝဏ်လွှာပေးပို့
မတ် ၁၆ ၊ ၂၀၂၂
ဒီနေ့ကျရောက်တဲ့ “မူးနီခိုပအိုဝ်း” (ပအိုဝ်းအမျိုးသားနေ့) တို့ရဲ့ ၇၃ နှစ်မြောက်ကစပြီး စစ်အာဏာရှင် ချုပ်ငြိမ်း ရေး၊ ပအိုဝ်းအမျိုးသားလွတ်မြောက်ရေး၊ စစ်မှန်သော ဖက်ဒရယ်ဒီမိုကရေစီပြည်ထောင်စုတည်ဆောက်ရေးအ တွက် ပအိုဝ်းအမျိုးသမီး၊ အမျိုးသားတွေ ပါဝင်ဆင်နွဲနေကြတဲ့ လွတ်မြောက်ရေးကြိုးပမ်းအားထုတ်ဆောင်ရွက် မှုတွေ လျင်မြန်စွာ ပြီးမြောက်အောင်မြင်နိုင်စေဖို့အတွက် အမျိုးသားညီညွတ်ရေးအစိုးရက ဆုမွန်ကောင်းတောင်း ပေးရင်း သဝဏ်လွှာပေးပို့ခဲ့ပါတယ်။
အမျိုးသားညီညွတ်ရေးအစိုးရက ပေးပို့တဲ့ သဝဏ်လွှာထဲမှာ ယနေ့ကျရောက်တဲ့ ၇၃ နှစ်မြောက် မူးနီခို ပအိုဝ်း (ပအိုဝ်းအမျိုးသားနေ့) အချိန်အခါသာမယမှာ မြန်မာနိုင်ငံအပါအဝင် နိုင်ငံတကာမှာရောက်ရှိနေထိုင်နေကြတဲ့ ပအိုဝ်းအမျိုးသမီး၊ အမျိုးသားများအားလုံး ကိုယ်စိတ်နှစ်ဖြာ ကျန်းမာလုံခြုံပြီး ဘေးရန်အပေါင်းမှ ကင်းကွာကြ ပါစေကြောင်း ဆုမွန်ကောင်းတောင်းပေးထားတာ တွေ့ရပါတယ်။
၁၉၄၈ ခုနှစ် မတ်လမှာ ဖလပလအစိုးရရဲ့ မြေယာခွဲဝေရေးမူဝါဒကို လက်မခံနိုင်ကြတဲ့ သထုံဒေသရဲ့ ပအိုဝ်း လယ်သမားတစ်သောင်းကျော်က ပအိုဝ်းတောင်သူအဖွဲ့ချုပ်ရဲ့ဦးဆောင်မှုအောက်မှာ သထုံမြို့ ရေကျော်ဘုန်းကြီး ကျောင်းအတွင်း လူထုစည်းဝေးကြီးတစ်ရပ်ကျင်းပခဲ့ကြပါတယ်။ အစည်းအဝေးကြီးမှာ မြေယာခွဲဝေရေး မူဝါဒကို ပြန်လည် ရုပ်သိမ်းပေးရေးအပါအဝင် မိမိတို့လူမျိုးအမည်ကို “တောင်သူ” လို့ ခေါ်ဆိုရေးသားခြင်း မပြုဘဲ “ပအိုဝ်း” လို့သာ ခေါ်ဆိုရေးသားပေးရန်တောင်းဆိုခဲ့ကြတာပါ။ ဒါအပြင် ၁၉၄၉ ခုနှစ်ကစပြီး တပေါင်း လပြည့်နေ့မှာ ပအိုဝ်းလူမျိုးတွေ ကျင်းပလေ့ရှိတဲ့ ကောက်သစ်ပူဇော်ပွဲနေ့ကို ပအိုဝ်းအမျိုးသားနေ့အဖြစ် ပြောင်းလဲကျင်းပရန်ဆုံးဖြတ်ခဲ့တယ်လို့ ဖော်ပြထားတာ တွေ့ရပါတယ်။
ပအိုဝ်းလူမျိုးတွေက လွန်ခဲ့တဲ့နှစ် ၃၀၀၀ ဝန်းကျင် (ဘီစီ ၁၀၀၀ ဝန်းကျင်ကတည်းကပင်) မျက်မှောက် ခေတ် မွန်ပြည်နယ်၊ သထုံဒေသမှာအခြေချနေထိုင်ခဲ့ကြတဲ့ ဌာနေတိုင်းရင်းသားလူမျိုးတွေပါ။ နှစ်သုံးထောင် ကြာဖြတ်သန်းလာခဲ့တဲ့ သမိုင်းတစ်လျှောက် နိုင်ငံရေးအရ ချိုခြင်း၊ ခါးခြင်းအစရှိတဲ့ အတွေ့အကြုံပေါင်း မြောက်များစွာကို ရင်ဆိုင်ခဲ့ကြရပါတယ်။ နှစ်ပေါင်းသုံးထောင်ကြာ နိုင်ငံရေးအခင်းအကျင်းမျိုးစုံအောက်မှာ ကြံ့ကြံ့ခံဖြတ်သန်းလာခဲ့တဲ့ ပအိုဝ်းလူမျိုးတွေရဲ့ ကြံ့ခိုင်မှုနဲ့ ဇွဲလုံ့လတွေကို ချီးကျူးဂုဏ်ပြုထားတာလည်း ထုတ်ပြန်ချက်မှာ တွေ့ရပါတယ်။
၂၀၂၂ ခုနှစ် ဖေဖော်ဝါရီ (၁) ရက်နေ့မှာ အကြမ်းဖက်တပ်မတော်က နိုင်ငံတော်အာဏာကို ထပ်မံလုယူသိမ်းပိုက်ရန် ကြိုးစားလာတဲ့အခါ ပအိုဝ်းလူမျိုးများစွာက လက်မခံဆန့်ကျင်ခဲ့ကြပါတယ်။ ယခုအခါ စစ်အာဏာရှင်စနစ်အပါ အဝင် အာဏာရှင်စနစ်ဟူသမျှကို ပြတ်ပြတ်သားသားဆန့်ကျင်တိုက်ဖျက်ပြီး ဖက်ဒရယ်ဒီမိုကရေစီပြည်ထောင် စုကို တည်ဆောက်လိုကြတဲ့ ပအိုဝ်းအင်အားစုတွေအနေနဲ့ ပအိုဝ်းအမျိုးသားဖက်ဒရယ်ကောင်စီ (Pa-O National Federal Council) ရဲ့ ဦးဆောင်မှုအောက်မှာ အတူတကွစုစည်းပြီး၊ လက်တွေ့ကျတဲ့ နိုင်ငံရေးအခင်းအကျင်းထဲကို ဝင်ရောက်ဆင်နွဲနေကြတာကိုတွေ့ ရှိရတဲ့အတွက်လည်း များစွာဝမ်းမြောက်ဂုဏ်ယူမိတယ်လို့ အမျိုးသားညီညွတ် ရေးအစိုးရရဲ့ ထုတ်ပြန်ချက်မှာ ဖော်ပြထားတာ တွေ့ရပါတယ်။
#SpringReovlution
#PVTV
#PVTVNews
#PVTV ရဲ့ သတင်းများကို Telegram Channel – https://t.me/pvtvmyanmar ကို subscribe လုပ်ထားခြင်းအားဖြင့် ဖတ်ရှုနိုင်ပြီဖြစ်ပါတယ်။
