ဂျပန်အစိုးရက ဒုက္ခသည်တွေအတွက် စုံစမ်းစစ်ဆေးမှုနဲ့ လူသားချင်းစာနာမှု အကူအညီတွေ အမြန်ဆုံးပေးနိုင်ဖို့ Burma Japan Relief Center ကိုယ်စားလှယ် Keiko Nakao က မျှော်လင့်

ဂျပန်အစိုးရက ဒုက္ခသည်တွေအတွက် စုံစမ်းစစ်ဆေးမှုနဲ့ လူသားချင်းစာနာမှု အကူအညီတွေ အမြန်ဆုံးပေးနိုင်ဖို့ Burma Japan Relief Center ကိုယ်စားလှယ် Keiko Nakao က မျှော်လင့်

ဒီဇင်ဘာ ၂၄၊ ၂၀၂၁

ဂျပန်အစိုးရက လေးကေ့ကော် ကိစ္စ အသေးစိတ်စုံစမ်းစစ်ဆေးပြီး မြန်မာပြည်သူလူထု ထင်မြင်ယူဆချက်များနဲ့အညီ ငြိမ်းချမ်းရေး ဒီမိုကရေစီအသွင်ကူးပြောင်းရေး အတွက် အမြန်ဆုံး လူသားချင်းစာနာထောက်ထားမှုဆိုင်ရာ အကူအညီများ ပေးစွမ်းနိုင်မယ်လို့ မျှော်လင့်ကြောင်း Burma Japan Relief Center ကိုယ်စားလှယ် Keiko Nakao က ပြောပါတယ်။

လေးကေ့ကော်က KNU (ကရင်အမျိုးသားအစည်းအရုံး) နဲ့ ကရင်ပြည်နယ်အစိုးရတို့ကို ငြိမ်းချမ်းရေးတည်ဆောက်ဖို့ ကြိုးပမ်းမှုတွေကို အထိမ်းအမှတ်အဖြစ် နိပွန်ဖောင်ဒေးရှင်းရဲ့ ပံ့ပိုးကူညီမှုနဲ့ ဂျပန်နိုင်ငံအစိုးရက ၂၀၁၅ ခုနှစ်မှာ တည်ဆောက်ခဲ့တဲ့ မြို့တစ်မြို့ဖြစ်ပါတယ်။

လေးကေ့ကော် လုံခြုံရေးကို KNUက တာဝန်ယူရပါတယ်။ အဲဒီမြို့ကို ငြိမ်းချမ်းရေးသင်္ကေတအဖြစ် ဒေသခံတွေက မှတ်ယူခဲ့ကြပါတယ်။

ဒါပေမယ့် အခုတစ်ကြိမ်မှတော့ မြန်မာစစ်တပ်က တိုက်ခိုက် ဖမ်းဆီး ပစ်ခတ်ခဲ့ပါတယ်။ ဒါကြောင့် ငြိမ်းချမ်းရေးရဲ့ ရည်ရွယ်ချက် ပျက်သုဉ်းသွားပြီး လူပေါင်း ၃၀၀၀ ကျော် ထိုင်းဘက်ခြမ်းကို ထွက်ပြေးခဲ့ရပါတယ်။

မြန်မာနိုင်ငံ အရှေ့ဘက်ခြမ်း ကရင်ပြည်နယ် မြဝတီခရိုင် လေးကေ့ကော် မြို့ကို မြန်မာစစ်အာဏာရှင် လက်အောက်ခံ တပ်တွေက ဒီဇင်ဘာလ ၁၄ ရက်နေ့မှာ ဝင်ရောက် တိုက်ခိုက်ခဲ့ပါတယ်။

ဖေဖော်ဝါရီ ၁ ရက် အာဏာသိမ်းပြီးနောက် လေးကေ့ကော်ကို တိမ်းရှောင်နေသော ရွေးကောက်ခံရသော လွှတ်တော်အမတ် နှစ်ဦးအပြင်၊ Civil Disobedience Movement (CDM) ဝန်ထမ်းနဲ့ NGO ဝန်ထမ်း (၃၂)ဦးကို လဲ ဖမ်းဆီးထိန်းသိမ်းခဲ့ပါတယ်။

နောက်နေ့ ၁၅ ရက်နေ့မှာ အဲဒီမြို့တိုက်ပွဲဖြစ်တဲ့ အချိန် လူအားလုံးနီးပါး ထိုင်းနဲ့ မြဝတီ တောတောင်တွေကြား ဘေးလွတ်ရာ ရွှေ့ပြောင်းခဲ့ရပြီး ဒုက္ခသည်တွေက ပြင်းထန်တဲ့ အအေးဒဏ်ကို ခံစားနေရပါတယ်။

အခုချိန်မှာတော့ နယ်မြေပျက်စီး မတည်မငြိမ်ဖြစ်ပြီးတော့ ဒုက္ခသည် အများအပြား ထွက်ပေါ်လာကြရပါတယ်။

ဒါက မြန်မာနိုင်ငံ အခုအခြေအနေဖြစ်ပြီးတော့ ဒီမိုကရေစီအသွင်ကူးပြောင်းရေးကို ပံ့ပိုးပေးတဲ့ အဖွဲ့အစည်းတွေအနေနဲ့ ငြိမ်းချမ်းရေး ဒီမိုကရေစီအသွင်ကူးပြောင်းရေးမှာ အဓိကအတားအဆီးဖြစ်လာမှာကို စိုးရိမ်မိတယ်လို့
Burma Japan Relief Center ကိုယ်စားလှယ် Keiko Nakao ကဆိုပါတယ်။

ငြိမ်းချမ်းရေးရဲ့ ကတိကဝတ်တွေကို သစ္စာဖောက်တဲ့ မြန်မာတပ်မတော် လုပ်ရပ်တွေကို ပြင်းပြင်းထန်ထန် ရှုတ်ချတယ်လို့ သူကပြောပါတယ်။

၁၉၈၈ ခုနှစ်က စတင်ပြီး Burma Relief Center Japan က မြန်မာနိုင်ငံတွင် ဒီမိုကရေစီအသွင်ကူးပြောင်းရေးကို ပံ့ပိုးပေးဖို့အတွက် ဂျပန်နိုင်ငံရှိ တိုင်းရင်းသားလူနည်းစု ကိုယ်ထူကိုယ်ထအဖွဲ့တွေနဲ့ မြန်မာဒီမိုကရက်တစ်အဖွဲ့တွေ စည်းစည်းလုံးလုံး ညီညီညွတ်ညွတ်နဲ့ ပူးပေါင်းလုပ်ဆောင်ခဲ့တာဖြစ်ပါတယ်။

ဒေသအခြေအနေနားလည်ဖို့ လေးကေ့ကော်ကို အကြိမ်ကြိမ် သွားရောက်ခဲ့တယ်လို့ ဆိုပါတယ်။

လေးကေ့ကော် တည်ထောင်ခြင်းက မြန်မာနိုင်ငံ ငြိမ်းချမ်းရေးအတွက် ဂျပန်အစိုးရနဲ့ ဂျပန်ပြည်သူတေတွက ကတိကဝတ်ပြုကြောင်း သက်သေပြတယ်လို့ ယုံကြည်ကြောင်း ပြောပါတယ်။

#SpringRevolution
#PVTV
#PVTVNews

Public Voice is Public Power.

PVTV will broadcast the activities of Committee Representing Pyidaungsu Hluttaw, National Unity Consultative Council and National Unity Government and other artworks which reflect the spirit of Spring Revolution.