ကော်ဘရာစစ်ကြောင်းက အကြမ်းဖက်စစ်ကောင်စီရဲ့ တပ်မ ၄၄ လက်အောက်ခံတပ်နဲ့ တိုက်ပွဲဖြစ်ပွားခဲ့တယ်လို့ သတင်းထုတ်ပြန်
◾️အကြမ်းဖက်စစ်တပ်က ဗိုလ်ကြီးတစ်ဦးအပါ ၅ ဦးသေပြီး လက်နက်ခဲယမ်းတွေ သိမ်းဆည်းရမိ
ဇူလိုင် ၈ ၊ ၂၀၂၂
KNLA နဲ့ PDF တွေ ပူးပေါင်းထားတဲ့ ကော်ဘရာစစ်ကြောင်းက အ ကြမ်းဖက်စစ်ကောင်စီရဲ့ တပ်မ ၄၄ လက်အောက်ခံတပ် နဲ့ တိုက်ပွဲဖြစ်ပွားခဲ့ပြီး အကြမ်းဖက်စစ်တပ်ဘက်က ဗိုလ်ကြီးတစ်ဦးအပါအ ၅ ဦးသေပြီး လက်နက်ခဲယမ်းတွေ သိမ်း ဆည်းရမိခဲ့တယ်လို့ ဒီနေ့မှာ သတင်းထုတ်ပြန်လိုက်ပါတယ်။
သတင်းထုတ်ပြန်ချက်မှာ အကြမ်းဖက်စစ်ကောင်စီ၏ တပ်မ (၄၄) လက်အောက်ခံ ခမရ(၂၀၇)၊ ခလရ(၈)၊ ခမရ(၂၀၄)၊ ခမရ(၉) ၊ ခမရ(၁၀၂) နဲ့ လက်ရုံးတပ်ဖွဲ့တွေ၊ ဗိုလ်မုတ်သုန် ဦးစီးတဲ့ BGF အင်အား (၁၀၀) ခန့် ပါဝင်တဲ့ အကြမ်းဖက် စစ်ကောင်စီ စစ်ကြောင်းတွေက ဖလူးလေး၊ ဖလူးကြီးဒေသမှာ စုဖွဲ့ပြီး မြဝတီ – ဝေါ်လေကားလမ်းတစ်လျောက် ဒေသ တွေကို ကျူးကျော်ဖို့ ကြိုးစားနေတယ်လို့ ဖော်ပြထားပါတယ်။
အဲဒီလိုအခြေအနေတွေမှာ ခမရ(၂၀၇) ပါဝင်တဲ့ အကြမ်းဖက်စစ်ကောင်စီ စစ်ကြောင်းက မြဝတီ-ဝေါ်လေ ကားလမ်းပေါ် က ဒေသအခေါ် သုံးထပ်ကွေ့ နေရာကို မနေ့က ရောက်လာခဲ့ရာ လုံခြုံရေး ယူထားတဲ့ ကော်ဘရာစစ်ကြောင်းနဲ့ ထိတွေ့ တိုက်ပွဲတွေ ဖြစ်ပွားခဲ့ပါတယ်။
တိုက်ပွဲတွေဖြစ်ပွားပြီးနောက် ဒီနေ့မနက် ၉ နာရီအချိန်မှာ ကော်ဘရာစစ်ကြောင်းက စစ်ဆေးမှုတွေဝင်ရောက်လုပ် ဆောင်ရာ အကြမ်းဖက်စစ်တပ်ဘက်က ဗိုလ်ကြီးတစ်ဦး၊ ဆေးမှူးတစ်ဦးအပါ ၅ ဦးသေတာကို အတည်ပြုတွေ့ရှိခဲ့ရပြီး အ ကြမ်းဖက်စစ်တပ်ဘက်က အများအပြား ထိခိုက်သေဆုံး ဒဏ်ရာရထားတယ်လို့ သတင်းထုတ်ပြန်ချက်ထဲ ဖော်ပြထား ပါတယ်။
လက်နက်ခဲယမ်းအနေနဲ့ MA -1 တစ်လက်၊ ၎င်းကျည် (၅.၅၆) ကျည် (၄၇၅) တောင့်၊ ကျည်ဘောက်(၄) ခု၊ အီနာဂါ ဗုံးသီး တစ်လုံး၊ အခြားဆက်စပ်ပစ္စည်းတွေ သိမ်းဆည်းရမိတယ်လို့ ဖော်ပြထားသလို တိုက်ပွဲဖြစ်ပွားနေဆဲဖြစ်လို့ စိစစ်ဆဲအခြေ အနေတွေကိုသာ ထုတ်ပြန်ရတာဖြစ်တယ်လို့ ဖော်ပြထားပါတယ်။ ကော်ဘရာစစ်သည်တွေဘက်ကတော့ ထိခိုက်ကျဆုံး မှု မရှိဘူးလို့လည်း ဖော်ပြထားတာ တွေ့ရပါတယ်။
ဇူလိုင် ၈ ရက် (ဒီနေ့မနက်) ၄ နာရီခွဲအချိန်ခန့်မှာလည်း လေးကေကော်ဒေသမှာရှိတဲ့ ကော်ဘရာစစ်ကြောင်း လုံခြုံရေး ရယူထားတဲ့ တောင်ကုန်းတစ်ခုပေါ်ကို အကြမ်းဖက်စစ်တပ်က လေကြောင်းတိုက်ခိုက်မှုတွေ ပြုလုပ်ခဲ့ပေမယ့်လည်း ပြည်သူလူထုရဲ့ မေတ္တာကြောင့် ကော်ဘရာစစ်သည်တွေ တစ်စုံတစ်ရာ ထိခိုက်ဒဏ်ရာရမှု မရှိခဲ့ဘူးလို့ ထုတ်ပြန်ချက်မှာ ဖော်ပြထားတာ တွေ့ရပါတယ်။
Video – ဇူလိုင် ၈ ရက် (ဒီနေ့မနက်) မှာ သိမ်းဆည်းရမိတဲ့ လက်နက်နဲ့ တိုက်ပွဲမှတ်တမ်းအတို (အသံမပါဝင်ပါ)
#SpringRevolution
#PVTV
#TheArtOfRevolution
#Satire
#PVTV ရဲ့ သတင်းများကို Telegram Channel – https://t.me/pvtvmyanmar ကို subscribe လုပ်ထားခြင်းအားဖြင့် ဖတ်ရှုနိုင်ပြီဖြစ်ပါတယ်။
