ကလေးပြည်သူ့ဆေးရုံမှာ ၁၅ ရက်အတွင်းလူနာ ၃၀၀ ကျော်ကုသပေးနိုင်ခဲ့
ဇူလိုင် ၂၁ ၊ ၂၀၂၂
စစ်ကိုင်းတိုင်း ကလေးမြို့နယ်အတွင်းမှာ အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနရဲ့ လမ်းညွှန်မှုနဲ့ ကလေးပြည်သူ့ဆေးရုံကို ဖွင့်လှစ်ခဲ့ပြီး ဇွန် ၁ ရက်ကနေ ၁၅ ရက်အတွင်းကို လူနာ ၃၀၀ ကျော်ကို ကုသပေးနိုင်ခဲ့တယ်လို့ People’s Healthcare Network (Kalay) က အသိပေးထုတ်ပြန်လာပါတယ်။
ကလေးပြည်သူ့ဆေးရုံမှာ ပြင်ပလူနာဌာန၊ အတွင်းလူနာဌာန၊ သားဖွားမီးယပ်ဌာနနဲ့ အရေးပေါ် ခွဲစိတ်ခန်းတွေကို ထားရှိ ပြီးတော့ ပြည်သူ့ရဲဘော်တွေ၊ စစ်ဘေးရှောင်ပြည်သူတွေ၊ ဒေသခံပြည်သူတွေအတွက် အခမဲကျန်းမာရေးဝန်ဆောင်မှု ပေးဖို့အတွက် လုပ်ဆောင်ထားတာဖြစ်တယ်လို့ ဆိုပါတယ်။
People’s Healthcare Network (Kalay) ရဲ့ အသိပေးထုတ်ပြန်ချက်မှာတော့ ဇွန် ၁ ရက်ကနေ ၁၅ ရက်အတွင်း ပြင်ပ လူနာ ၂၇၃ ဦး၊ အတွင်း လူနာ ၆ ဦး၊ ကလေးမီးဖွားပေးတာအပါအဝင် စုစုပေါင်း ၃၀၂ ဦး ကုသပေးနိုင်ခဲ့တာပါ။
ဒါအပြင် ကျန်းမာရေးဝန်ကြီးဌာနနဲ့ ကာကွယ်ရေးဝန်ကြီးဌာနတို့ရဲ့ လမ်း ညွှန်မှုနဲ့ People’s Healthcare Network (Kalay)မှ ဦးဆောင်ပြီး Tactical Combat Casualty Care: Basic Training (TOT) သင်တန်းကို အောင်မြင်စွာ ဖွင့်လှစ်သင်ကြားပေးနိုင်ခဲ့ပါသေးတယ်လို့လည်း ဖော်ပြထားတာ တွေ့ရပါတယ်။
#SpringRevolution
#PVTV
#PVTVNews
#PVTV Telegram Channel – https://t.me/pvtvmyanmar
#PVTV ၏ ရုပ်သံအစီအစဉ်များကို PVTV ၏ Youtube Channel ဖြစ်သော https://youtube.com/c/pvtvmyanmar တွင် ဝင်ရောက်ကြည့်ရှုပေးခြင်းအားဖြင့် တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
